Daniel 5:23 - DAWAN BÎLA AISKA

²³ Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 5:23 ပူးပေါင်းရင်းမြစ်များ

Blasi Sturka 14:19

naha bîla nani aisi Ebram ra yamni munan: “Gâd Laih Purara iwi ba, kasbrika pura tasba sin papaskra ba mita yamni pali mai munbia.

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

2 King Nani 14:10

Edom ra pura luram ba kasak kulkisna, baha mita man kupiam ra lukisma man baman sma. Aitani pain, man baman sma baku luki bas; sakuna kanra yamni kabia man watla ra takaski bâra kama. ¿Dîa kan man un pâtkam plikisma bara Juda ra sin pât ra dingkaia lukisma?”

Job 12:10

Rayaka bri bani bara rayaka ba sut, ai mihta ra brisa.

Job 31:4

Apia kaka, ¿dîa daukisna ba Gâd kaikras, bara mini lulkanka bani ba sin kaikras?

Lawana Nani 104:29

Man mamwan ba yukukisma bara sirang iwi banhwisa, man bui witin wingka puhbra sakisma, witin nani mahka pruisa, bara kli tasba yuya ra tawisa.

Lawana Nani 115:16

Kasbrika pura ba, Dawan dukia sa; bara tasbaya ba upla ra yaban.

Lawana Nani 139:3

Man, yang impakanki nani sut ba kaikisma, ¡dîa daukisna ba sut sin kaikisma!

Lawana Nani 146:4

witin nani pruisa bara witin kli tasba yuya ra tawisa; bara baha pali piua ra ai warkka kata lap tiwisa.

Sins Lâka 20:24

Upla wapanka nani ba Dawan bui sika tapahkisa; upla kumi sin ai yabalka tnata ba kaikras.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Aiseya 14:13

Man kupiam ra wisatma: ‘Kasbrika purara uli wamna; waitla daukamna, Gâd slilma nani paskan ba tilara; iwaiki bahara paskamni, bara king baku iwamni, yahbra tani nani ra, baha ilka ra, gâd nani asla taki ba pliska ra.

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 33:10

Dawan ba aisisa: “Nanara yang buamni; nanara tâinka marikamni yang kulkanka tara brisma ba.

Aiseya 37:19

Baku sin ai gâdka nani pauta ra angkan baha nani ba, gâd nani apia kan bamna, sakuna upla mita daukan, dus nani bara walpa nani ni daukan kan ba. Baha mita sika sauhki tikan ba.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Jirimaya 10:23

Dawan, yang kasak daira walisna upla rayaka ba witin mita Dawanka apia sa, ai kanra ai rayaka ra dîa takaia ba alki takaskaia karnika âpu sa.

Jirimaya 48:26

Man nani Moab ba yas bla takbia, kan Dawan mapara buan ba tâwan. Baku bamna Moab ba witin aikabi baha ra karwi kabia bara upla sut witin ai lawaska kikbia.

Jirimaya 50:28

(Babilon wina plapi swak takan nani ba Saion ra wan bara sturi aisin, Dawan yawan wan Gâdka nahki Babilon nani ra daukan ba ai tempelka sauhkan ba tâwan, dîa pana munaia kan ba kat munan dahra ba.)

Jirimaya 50:29

“¡Pantamangka lalukra nani sut paiws, witin nani Babilon wal aiklabaia! ¡Tawan tara ba kir kutbi banhs, upla kumi sin plapi takaia apia! ¡Witin nani ra aibaps ai mana dîa briaia ba! ¡Witin nani dîa daukan ba baku witin ra dauks! Witin bui yang ra ai kulkras aisin, Dawan ra, Israel Gâdka holikira ba.

Isikiel 28:17

Pramna ba mita, mamyunra wal banhkram; kulkanka tara brisma ba mita sinskam lâka tikan. Yang tasba ra mai batakri, swira lâka ra mai lakri king nani mawanra.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:5

Diara âiatkra sip kaia lâka ba wal, yuyakam nani ba ailal pali daukram, bara yuyakam nani ba mita aimayunra mai daukan.

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Daniel 11:12

Witin pura luanka brin ba, bara ai waihla nani ailal pali pruan ba kaiki purara kaia lukanka ni aibanhwan kabia, sakuna ai karnika ba piua wihka wabia apia.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Daniel 8:11

bara ban sin war aiklaklabra lalka ba wal kau tara takan, witin yu bani sakripais dauki kan watla kata ba dakban, bara ai gâdka mayuni kan ba tâski daukan.

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Apastil Nani Sturka 17:25

bara sin nit apia sa upla kum bui witin dukiara diara kum daukbia, kan witin bui sika yawan sut ra rayaka ba wankisa, baku sin pâsa bara diara wala nani ba.

1 Korint 8:4

Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu.

1 Timoti 3:6

Bamna, tâ bri uplika ba, bisi pali Dawan ra tawan uplika kaia apia sa, witin ai wîna ba tara puli dibil pât ra lulkan ba baku witin ra sin lulkbiara sîa.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.

Wihta Nani 16:23

Filisteo wihtka tara nani ba asla aidruban, upla nani sin paiwan witin nani aikuki pura luan ba liliaka tara daukaia, ai gâdka Dagón ra sakripais dauki yabaia. Bara lawana ba naku aiwani kan: “Wan waihla Samson ba, yawan wan gâdka ba mita wan mihta ra mangkan.”

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.