Daniel 5:18 - DAWAN BÎLA AISKA

¹⁸ “Gâd Laih Purara iwi ba bui king lâka aisikam Nabucodonosor ra yan, kulkanka lâka tara bara prana, bara mayunra lâka ba sin.

Daniel 5:18 ပူးပေါင်းရင်းမြစ်များ

2 King Nani 25:28

Bara witin ra kasak yamni pali aisan, bara king nani sut bâra kan ba wal kau Babilon kingka nani ba purara kulkanka tara pali yaban.

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 7:17

Dawan ra mayunamni, witin kasakkira sa bamna; Dawan Laih Purara iwi ba nina ra, mayunra nani aiwanamni.

Lawana Nani 9:2

Purara pali sma ba, man ra luki winan ai daukisa, liliakira ni; ¡man ninam mayunra nani aiwanaia brin ai daukisa!

Lawana Nani 92:8

Sakuna man Dawan, ban kaia ra laih purara iwisma.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 27:5

Yang karniki tara ba param mariki tasba na paskri, upla nani, daiwan nani diara sut bilara ba sin, bara yaura baha yabaia lukisna ba ra yabisna.

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Inanka Nani 3:35

Dawan Laih Purara ba mawan ra, waitna kum ai raitka bri ba wina tnaya ra lakaia ba,

Inanka Nani 3:38

Baku sin diara yamni bara diara saura nani ba, Laih Purara ba wina aula, witin baku takbia win bamna.

Isikiel 31:11

Baha mita, yang lulki swiri; yaisna tringsar nani tâ brabrira mununhtara kauhbia, witin ra daukbia ai saurka daukan ba mana ba kat.

Daniel 4:17

Naha lâka nani sika aihwawakra insalka holi nani wan win ba, upla nani sut ba tânka bribia dukiara, Laih Purara iwi Gâdka ba naha tasba kingka nani sut purara karnika bri ba, witin yaura king lâka yaia ba yabisa, bara nisan kum tâ aimaki kau upla mâyara ba buki tara daukisa.’

Daniel 4:19

“Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Daniel 4:2

Brin ai daukisa man nani tânka bri kama, nahki Gâd Laih Purara iwi ba diara aihkakira nani yang ra daukan ba.

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 4:34

“Ai piua win ba aimakan ba ra, yang Nabucodonosor, naikra kasbrika purara bukri bara laila saura takan kan ba wina rawri, bara Gâd Laih Purara yaba ra yamni pali wîri, mayunra din yabri naha bîla nani ba wal: ‘Karnikam ba ban kaia ra ban kabia; kingkam lâka ba kiamka kum wina kiamka wala nani ba kat ban kabia.

Daniel 5:21

Upla nani tila wina sakan bara daiwan baku takan, biriku wail nani wal baku takan, bîp nani baku twi pin bara diwas laya ba ai taya purara buski kan; baha piua kat witin kaikan, Gâd Laih Purara ba naha tasba kingka nani sut purkara karnika brisa, bara witin bui yaura king lâka yaia ba yabi kan.

Daniel 6:22

Yang Gâdki bui ai insalka blikan, bara layan nani bîla ba prakan yang ra dîa kra ai munbia sîa, kan Gâd kaikisa yang na pâtkas sna, bara sin, king, man mampara sin saura kumi sin daukras sna.

Apastil Nani Sturka 26:13

Sakuna, king Agripa, yabal ra yu 12 aklak kan, ingni kum kaikri kasbrika pura ba wina. Ingnika ba sim yu lapta wal kau karnika bri kan, yang tnaiya kir ingwan, bara baha nani yang wal auya kan ba sut ra sin.

Apastil Nani Sturka 26:19

“Baku bamna, king Agripa, yang kasbrika purara ba wina diara aihka kaikri ba, bîla wali daukras kaia sip apia kapri.

Apastil Nani Sturka 7:48

Ban sakuna, Gâd Laih Purara iwi ba, witin lika upla ai mihta ni paskan watla sâtka ra dimi iwras. Prapit aisin ba baku:

Kli Smalkanka 32:8

Yu kum Laih Purara iwi ba nisan nani tasbaya yabaia kan ba ra, tawan piarkika ba wapni kulki kaikan, kuna Israel luhpia nani dukira luki kan,