Daniel 5:11 - DAWAN BÎLA AISKA

¹¹ Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

Daniel 5:11 ပူးပေါင်းရင်းမြစ်များ

Blasi Sturka 41:38

Bara king fero ai uplika nani ra naku makabi walan: —¿Yawan sip sa ki waitna wala nâra pliki sakaia naha waitnika na baku, Gâd Spiritka bri ba?

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

Isikiel 28:3

¿Dîa lukisma Danel wal man kau sinskira sma? ¿Dîa man wina diara yukuwan ra âpu sa ki?

Isikiel 28:4

Sinskam lâka bara diara daukaia sip lâka wal yuyakam ailal pali briram, diara auhbaia gul bara silbar ni banhkram.

Daniel 1:4

wahma nani, siknis âpu nani, skahwa apia ba, kulkanka tara bri bara sinskira nani, sins lâka bri ba, diara tânka kaikaia lâka mapara sip ba, baha nani king watla ra takaskaia. Witin nani ra smalkan kabia Caldea uplika nani bîla aisaia bara ulbaia tânka ba sin.

Daniel 2:11

Man king tara sma ba, makabankam ba karna pali sa, bamna upla âpu sa baha mai wiaia, gâd nani baman lika, ¡sakuna baha nani ba wan tilara âpu sa!

Daniel 2:22

Diara tihu ra ba bara diara yukukan ba, witin mita param sakisa, diara tihmu ra bâra ba tânka kaikisa, kan ingni ba witin wal sa.

Daniel 4:18

“Naha yaprisauhkanka sika, yang, king Nabucodonosor, kaikri ba. Bara nanara, Beltsasar, yaprisauhkanka tânka ba ai wis; tasbayi ra sinskira nani ba kumi sin tânka briras sa, sakuna man lika sip sma tânka ba wan wiaia, kan man wal sa Gâd holikira Laih Purara iwi ba spiritka ba.

Daniel 4:5

sakuna tihmia kumi krikriki ra yapi katna ba ra, yaprisauhkan kum aihka kaikri, sibrin ai daukan bara luki kaikri, diara aihka kaikri ba mita.

Daniel 4:6

Bamna adar yabri, Babilon aiska ra sinskira nani sut ba yang ra balaia, bara yaprikisauhkan tânka ba ai wiaia.

Daniel 5:14

Upla ai win, Gâd spiritka ba man brisma, man sin sins yamnikira pali brisma, man ba sin âuya mâira bara diara tânka kakaira pali sma.

Daniel 5:7

Ningkara ai bîla baikra tara winan, diara kakaira nani, sins lâka kakaira nani, bara slilma tânka plaplikra nani Babilon ra banhwi ba sut paiwaia, bara witin nani ra win: —Bahara ulban ba ya aisi kaiki bara tânka saki ai wibia ba, kwalka balianta ba yaka dimbia, ai nana ra gul ni paskan sînka kum bri kabia bara yang, king aimakisna ba iwaika ra, karnika yumhpika ba witin alki kabia.

Apastil Nani Sturka 12:22

Bamna upla nani ba ai bîla baikra tara ni winan: “¡Naha aisi na lika upla apia, sakuna gâd pali kum aisisa!”

Apastil Nani Sturka 14:11

Upla nani bâra banhwi kan ba kaikan dîa Pal daukan ba, bara witin nani sut ai bîla baikra karna wini aisin Licaonia nani bîla ra: —¡Gâd nani upla baku taki wan tilara bal iwan sa!

Apastil Nani Sturka 16:16

Yu kumi yang nani pura sunaia pliska ra taki auna kan ba ra, tukta mairin kum wal prawi banhri; witin sukia, diara kaikaia piritka bri kata. Witin alba kan, bara diara kaikaia warkka dauki ba wina ai dawanka nani ba lalah uya pali saki yabi kan.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.