Daniel 4:9 - DAWAN BÎLA AISKA

⁹ ‘Beltsasar, diara kakaira nani lalka sma ba, yang kaikisna Gâd holikira ba spiritka man tâm brisa, bara diara aihka nani ba tânka brisma. Bamna wals, dîa yaprisauhkan ra kaikri ba, bara tânka ba ai wis.

Daniel 4:9 ပူးပေါင်းရင်းမြစ်များ

Blasi Sturka 41:38

Bara king fero ai uplika nani ra naku makabi walan: —¿Yawan sip sa ki waitna wala nâra pliki sakaia naha waitnika na baku, Gâd Spiritka bri ba?

Aiseya 33:18

Sirang mai iki kan tilara iwi katma ba kupiam krawbia, bara man wima: “¿Anira sa lal mana nani kulki kata ba? ¿Anira sa paun ra atki kata ba? ¿Tawer nani kulki kaiki kata ba anira sa?”

Aiseya 54:14

Kasakka lâka, wapni lâka ni karna mai daukan kabia. Taiban lâka wina laihura kama; sibrin mai daukbia apia, si briras kama, kan sibrin mai dingki ba, lamamra âpu kabia.

Isikiel 17:23

Israel ilka kau tara ba purara. Tnawa takbia, ai mâ sâkbia, bara yalam pranakira takbia. Daiwan sât sât nani baha munhtara raya kabia, piawira sât sât ai watla mâkbia baha tnawa distika ra.

Isikiel 28:3

¿Dîa lukisma Danel wal man kau sinskira sma? ¿Dîa man wina diara yukuwan ra âpu sa ki?

Daniel 1:20

Sins lâka nani sut bara diara tânka kaikaia lâka sut, king dukiara witin nani ra makabi walan, bara kaikan witin nani aima matawalsip prais kau sinskira kan ai kingka tasbaya ra âiulbra nani bara smaya kakaira nani sut ba wal.

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Daniel 2:48

Baha ningkara Daniel ba wark tara kum pura wihtka mangkan, bara prisant pranakira nani sin uya yan, baha purkara Babilon tasbaya aiska wihtka tara mangkan, bara baha tasbaya aiska ra sinskira nani ba wihtka sin mangkan.

Daniel 4:18

“Naha yaprisauhkanka sika, yang, king Nabucodonosor, kaikri ba. Bara nanara, Beltsasar, yaprisauhkanka tânka ba ai wis; tasbayi ra sinskira nani ba kumi sin tânka briras sa, sakuna man lika sip sma tânka ba wan wiaia, kan man wal sa Gâd holikira Laih Purara iwi ba spiritka ba.

Daniel 4:5

sakuna tihmia kumi krikriki ra yapi katna ba ra, yaprisauhkan kum aihka kaikri, sibrin ai daukan bara luki kaikri, diara aihka kaikri ba mita.

Daniel 4:8

Tnata ra Daniel, nina wala Beltsasar mâki ba bara gâdki nina baku bri ba, bal diman, witin ba Gâd sunukira pali ba spiritka bui tâ bri impaki ba, witin ra yaprisauhkanki ba wîri naku natka ra:

Daniel 5:11

Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

1 Samuil 4:8

¡Yawan ra saura pali kabia! ¿Ya yawan ra swaki wan sâkbia naha Gâdka karnakira na mihta ra kauhbia ba ra? ¡Witin sika Idsip uplika nani sut sauhki tikan upla iwras tasbaya ra siknis sât sât klalka ba wal!”