Daniel 4:35 - DAWAN BÎLA AISKA

³⁵ Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Daniel 4:35 ပူးပေါင်းရင်းမြစ်များ

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Job 40:2

Man sika yang maipara lâ aisanka kum brisma wiram, ¿Gâd karnika sut bri ba mapara, kau ban ai aisaia lukisma ki?

Job 42:2

Yang kaikisna man lika diara sut ba daukaia sip sma, diara âpu sa man daukaia sip apia sma ba.

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 115:3

Yawan wan Gâdka ba kasbrika purara sa; witin mita ai brinka ba kat daukan.

Lawana Nani 135:6

Dawan witin dîa daukaia ba sut daukisa, kasbrika pura ra bara tasba ra sin, kabu tihuka nani ra ba sut.

Lawana Nani 33:14

Witin anira iwi ba wina, tasba ra iwi uplika nani ba sut kaikisa.

Lawana Nani 39:5

Rayaki prahni lupia baman aikram; rayaki na namkra ra diara bahki pali sa. ¡Upla sut rayaka bri ba, wan wingka puhbra kumi baman sa!

Lawana Nani 49:1

Pain wals naha na, upla nani sut, tasba aiska ra iwi banhwisma ba;

Sins Lâka 21:30

Dawan mapa ra, sins lâka nani ba bahki baman takisa, diara tânka alkaia lâka, lâ tânka smalkaia sin âpu sa.

Smasmalkra 8:4

King bîla ba tnata prakaia karnika brisa, bara upla kumi sin baha daukanka dukiara makabi walbia apia.

Aiseya 19:17

Idsip ba, Juda tasbaya mawanra sibrinka bri kabia; sturka aisi ba wali baman sibrin takbia, karnika sut bri Dawanka ba mita, Idsip tani ra diara nani daukaia lukan bamna.

Aiseya 26:9

Sulki tihmia ra mai brin daukisa, spiritki yang wîni ra ba mai plikisa, man lâmka tasba ra daukisma bara tasba ra iwi uplika nani ba, kasakka lâka daukaia lan takisa.

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Daniel 6:27

Witin ba swaki sasakra bara dakbi sasakra sa, sain aihkakira dadaukra sa, kasbrika purara naha tasba ra sin witin bui Daniel ba swaki sakan, layan nani asmala nani ba wina sin.”

Jona 1:14

Bara witin nani winan: “Dawan, naha waitnika pâtkira na dukiara, yang nani pruamnara. Witin ba pâtkas sa kaka, pruya pâtka ba yang nani ra ai kulkpara, kan, Dawan, man kupiam lâka kat daukisma bamna.”

Apastil Nani Sturka 11:17

Bamna baha lika param sa, Gâd mita baha nani ra Spirit Holikira yan, sim yawan bui Dawan Jisas Kraist ra kasak lukan ba ra wankan ba baku. ¿Bamna yang na yamna, Gâd mapara buaia?

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Apastil Nani Sturka 5:39

Sakuna Gâd wina sa kaka, man nani sip sauhki tikma apia. Bamna man nani aman kaiks, Gâd mapara aiklapara.

Apastil Nani Sturka 9:5

Bara Saulo pana makabi walan: “¿Man ba ya sma ki, Dawan?” Bara bîla baikra ba naku win: “Yang sika Jisas, man bui yang ra sika rau ai sauhkisma ba.

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

1 Korint 2:16

Bamna Ulbanka ra wi ba baku: “¿Dawan kupia lukanka ba, ya tânka kaikan ki? ¿Ani uplika mita Gâd ra smalkaia sip sa ki?” Ban sakuna, yawan lika Kraist lukanka ba brisa.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Jasua 2:2

Sakuna upla kum pat kaikan bara Jeriko kingka ra maisa pakaia wan bara witin ra naku win: —Israel luhpia nani wina, wan tasbaya tânka na pliki kaikaia balan.

1 Samuil 3:18

Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!