Daniel 4:18 - DAWAN BÎLA AISKA

¹⁸ “Naha yaprisauhkanka sika, yang, king Nabucodonosor, kaikri ba. Bara nanara, Beltsasar, yaprisauhkanka tânka ba ai wis; tasbayi ra sinskira nani ba kumi sin tânka briras sa, sakuna man lika sip sma tânka ba wan wiaia, kan man wal sa Gâd holikira Laih Purara iwi ba spiritka ba.

Daniel 4:18 ပူးပေါင်းရင်းမြစ်များ

Blasi Sturka 40:12

Bara Josep witin ra win: —Man yaprisauhkan kaikram ba tânka ba naku sa: wain kiwka wina awa yumhpa pâwi takan kan kaikram ba, baha tânka ba lika yu yumhpa.

Blasi Sturka 41:15

Bara king fero Josep ra win: —Yang yaprisauhkan kum kaikri, sakuna baha tânka ba upla kumi sin sip param saki ai wiras. Sakuna man dukiamra yang walri, yaprisauhkan sturka mai wisa bara man baha tânka ba param saki wisma.

Blasi Sturka 41:8

Bara yu baiwan titan ra, witin baha kaikan ba dukiara luki kasak ai kupia wal aisi kan. Bara adar yaban Idsip ra bahmuna diara kakaira sinskira nani bâra ba sut paiwi bri balaia. Sinskira nani ba balan, bara king fero witin yaprisauhkan kaikan ba tânka sut baha nani ra win. Sakuna witin nani tila wina kumi sin sip yaprisauhkan kaikan tânka ba laki param saki sip wiras kan.

Aiseya 19:3

Idsip uplika nani lukanka ba lap tiwaia daukamna, dîa daukaia luki dauki ba sut sauhkamni. Bara witin nani aidul nani ra makabi walbia, sukia nani ra sin, pruan nani piritka ra sin, smaya kakaira nani ra sin.

Daniel 1:20

Sins lâka nani sut bara diara tânka kaikaia lâka sut, king dukiara witin nani ra makabi walan, bara kaikan witin nani aima matawalsip prais kau sinskira kan ai kingka tasbaya ra âiulbra nani bara smaya kakaira nani sut ba wal.

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Daniel 2:7

Sinskira nani ba kli aima wala ra win: —King, man dîa kaikram ba ai wis, bara tânka ba yang nani mai wimna.

Daniel 5:15

Baku bamna, naha tasbaya ra upla sinskira nani ba nâra sa baha ulbanka ba aisi kaiki ai tânka ba ai wiaia dukiara, sakuna witin nani tânka briras pali sa.

Daniel 5:8

Sinskira nani sut aidrubaia watla ra balan, sakuna upla kumi sin baha ulbanka ba sip aisi kaikras kan, bamna tânka sin sip briras kan king ra wiaia.

Emus 3:7

Dawan ba diara kumi sin daukras sa, witin ai prapitka ra param sakras sa kaka.