Daniel 3:27 - DAWAN BÎLA AISKA

²⁷ baha kuntri ra karnika alki nani bâra kan ba sut naha wahma yumhpa lamara aidrubi balan, baha nani wîna tara ba pauta ba diara munras kan, bara tânka pliki kaikan tâwa mina kumi sin amras kan, ai prâka nani ba sin amras kan, baha purkara pauta aman kîa sin taya ra âpu kan.

Daniel 3:27 ပူးပေါင်းရင်းမြစ်များ

1 King Nani 13:28

Bara prapit almuk ba taki wan, bara wîna tara ba yabal ra prawi kan sakan, biriku bara layan nani ba sin lamara kan, layan ba bui wîna tara ba piras kan, baku sin biriku ba ra sin watawi munras kan.

2 King Nani 19:19

Bamna nanara, yang nani ra Dawan wan Gâdka, nanara swaki wan sâks karnikam ba ni witin nani mihta ba wina, bara king tasbaya nani sut ba kaikbia man baman Dawan Gâd sma ba.”

Lawana Nani 83:18

¡Witin nani ai dara wali banhbia, man baman Dawan sma. Kaikbia man baman Laih Purara iwisma ba, tasba aiska ra!

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Daniel 3:21

Wahma yumhpa ba Babilon tasbaya ra lalka kaia mangkata kwalka yan ba kau ban dimi kan, bamna witin nani ba priskan bara kubus lapta klauhi ba kat lulkan.

Daniel 6:23

Bamna king ba lilia pali takan, bara win Daniel ba layan nani watla wina sâkbia. Witin nani sakan, bara kaikan Daniel wîna ra insauhkan lupia kumi sin âpu kata, kan witin ai Gâdka ra kasak luki kan ba mita.

Daniel 6:7

Baha kingka tasbaya wihtka nani ba sut asla takanka kumi brin, baha asla takanka ra lâ kumi dauki banhwan, yu 30 ba kat, upla kumi sin ai gâdka ra sapa, upla ra sapa sin ai pura sunan kaia apia, king ra baman lika, ya naha bîla na kulkras kabia kaka, layan nani watla ra lulkan kabia.

Matiu 10:30

Kan man nani lamla ra tâmwa mina bani ba kulkan sa.

Apastil Nani Sturka 26:26

Bamna king Agripa nâra sa, witin naha tânka nani pain kaikisa. Baha mita sika witin mawanra yang tânkira pali aisisna ba, kan pain daira walisna witin naha diara nani sut kaikisa, kan naha diara nani na yukuwi pali daukan dukia apia sa.

Apastil Nani Sturka 27:34

Bamna mamkabisna man nani plun wiria pan pima. Naha pima aitani sa raya kaia ba mata, kan man nani wina kumi sin tâmwa mina kumi sin tiwbia apia.

Hibru Nani 11:34

pauta klauhan karna klauhi kan nani ba daskan, sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan.