Daniel 3:18 - DAWAN BÎLA AISKA

¹⁸ Ban kra baha daukras kabia kra, sakuna man naha na pain tânka bri bas, yang nani lika gâdkam nani ra baha lilka man daukram ba ra sin bawi mayuni banhwamna apia.

Daniel 3:18 ပူးပေါင်းရင်းမြစ်များ

1 King Nani 19:14

Bara witin mita pana win: “Daira walri, Dawan, man karnika sut alki brisma ba tâmwan uya lawisna, kan Israel luhpia nani man lâmka ba swin, man altarkam nani ba sut sauhki tikan, bara prapit nani sord ni baman ikan, bara yang baman takaskri, bara yang ra sin ai ikaia plikisa.”

1 King Nani 19:18

Bara yang yarka Israel ra kabia 7,000 waitna nani, witin nani ai lula Baal ra krikras sa, bara sin kau kiawalras nani ba.”

Job 13:15

Ban kra witin bui ai ikbia sin, ban sakuna wapni kaia sna, witin mawan kat bûi raitki brisna ba aisaia sna.

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Libait Lâka 19:4

“Aidul nani nina bliki wapara, bras aidulka nani sin paskpara. Yang sika man nani Dawan Gâdkam.

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 10:39

Ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia ba, witin baha ba swaki sakan kabia.

Matiu 16:2

Sakuna baha nani ra win: “Tutni piua, man nani naku wisma: ‘Kasbrika ba pauni sa bamna, yawan piu pain bri kabia’;

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

Hibru Nani 11:25

Saurka lâka wina lilia nani piu wiria baman briaia ba watlika ra, Gâd uplika nani aikuki ni pât wahwaia ba kau pain lukan.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Param Marikanka 12:11

Wan muihni nani witin pura luan sa Sîp Luhpia ba ai tâlia laikan ba mita, diara kasak kat witniska aisi ba mita sin; kan witin nani ai rayaka ba tikaia sibrin âpu, sakuna pruaia lika wilin nani kan.