Daniel 2:31 - DAWAN BÎLA AISKA

³¹ “King tara, man yaprisauhkan ra kaikram, mamwanra sal bapan upla lilka tarka tara, ingni pali bara sirang wan ikisa.

Daniel 2:31 ပူးပေါင်းရင်းမြစ်များ

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Isikiel 28:7

yabrika tringsar nani mampara balbia, upla kau saura nani ba, ai sordka sâkbia rau mai sauhkaia, man, sinskira pali bara pranakira sma ba; bara pramna tara ba tasba kat alahbia.

Daniel 2:36

“Naha sika yaprisauhkan kaikram ba. Bara nanara, man king tara, baha tânka ba mai wimna.

Daniel 2:37

Man king tara king nani sut purkara, king tara sma, Gâd kasbrika purara ba mita naha king kaia lâka ba maikan sa, karnika, sip kaia lâka, mayunra ba sin,

Daniel 3:1

King Nabucodonosor win gul ni lilka kumi daukan, yarika 90 pît bîla yahpika ba 9 pît, bara adar yaban, baha ba Dura langnika ra swin kabia Babilon tasbaya ra.

Daniel 4:36

“Baha pali piua ra, sinski ba kli pain takan, kingki lâka ba kli briri, mayunra ba bara tara kaia lâka ba sin. Kupia krakraukra nani yang karniki mununhtara wark taki nani ba sut aidrubi balan, bara kli pali king lâka ba alkri upliki nani purara, bara nanara kainara kata ba wal kau karnika tara briri.

Abakuk 1:7

Witin nani ba sibrin saura wan dingkisa, bara sin saurakira nani sa, lâ wala nani kulkras sa, witin nani ai lâka mangkan ba baman ra kulkisa.

Matiu 4:8

Kli dibil mita il kum purara pali suni, naha tasbaya kuntrika nani sut marikan, ai prana nani sin.

Luk 4:5

Tisku baku kan, dibil mita Jisas ba brih il kum purara ulan, nakra klipan kum ra king tasbaya aiska ba marikan.