Daniel 2:30 - DAWAN BÎLA AISKA

³⁰ Baku bamna yang ra baha diara tânka yukuwan ra ba param mairikan, baha wal wiras sna yang na upla wala nani wal kau sinskira sna tânka ba mita lika apia, ban sakuna king dîa kaikan tânka ba wimna, bara king ba tânka bribia, witin ai krikrika ra prawi naika dîa takbia ba luki kaiki kan ba.

Daniel 2:30 ပူးပေါင်းရင်းမြစ်များ

Blasi Sturka 41:16

Josep pana king fero ra win: —Baha tânka saki mai wiaia ba lika yang apia sika, sakuna Gâd mita baha tânka ba king ra param saki wibia, king ra yamnika kum kaia dukiara.

Lawana Nani 139:2

Man, yang daukanki nani sut ba kaikisma; yang kupi ra lukisna ba, man laih wina kaikisma.

Aiseya 45:4

Duki dadaukra Jekob latwanka lâka ba dukiara, bara Israel sin yang bâk sakri ba, ninam kat mâki mai winri; bara ninam wala sin mâkri man ra mai kulkaia, man ba ai kakaira apia sma sakuna.

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Daniel 2:49

Daniel makaban ba kat, king ba mita mangkan, Sadrac, Mesac bara Abed-negó ba wark tara kum lalka, Babilon tasbaya aiska pura kaikaia warkka ra mangkan. Daniel lika king watla ra takaskan.

Emus 4:13

Dawan, il tara nani bara pâsa sin paski ba, witin dîa daukaia luki ba upla ra maisa paki ba, witin ingni ba wina tihmia tara dauki ba, witin tasba pîska kau purara nani ba wapi kaiki ba, Dawan, Gâd karnika aiska bri ba, baha sika ai nina sa.

Matiu 24:22

Bara Gâd baha piua prahni daukras kaka, upla kumi sin swaki sakan kabia apia; sakuna witin bâk sakan nani ba latwanka ra prahni daukbia.

Mark 13:20

Bara Dawan mita baha piua ba kunhku daukras kaka, upla kumi sin swaki sakan kabia apia; sakuna ai uplika nani pliki sakan ba latwanka ra kunhku daukan sa.

Apastil Nani Sturka 3:12

Pita naha diara kaikan, bara upla nani ra naku win: “Israel luhpia nani, ¿dîa kan tâ iwan taki, yang nani kat ai kaiki banhwisma? ¿Man nani lukisma naha waitnika witin nanara wapi tauki na, yang nani karniki ni, apia kaka dîa yang nani yamni daukri ba tâka mita rakri?

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

2 Korint 4:15

Naha diara nani sut na baku takan sa, man nani hilpkam kaia ba mata, baha mita upla manis Gâd wina yamnika bri nani ba, baha wina manis mita sin tingki wibia, Gâd prana daukaia dukiara.