Daniel 2:20 - DAWAN BÎLA AISKA

²⁰ naha bîla nani aisi: “Gâd nina ba ban kaia ra yamni kulkan kabia, kan sins lâka bara karnika ba man brisma bamna.

Daniel 2:20 ပူးပေါင်းရင်းမြစ်များ

Blasi Sturka 14:20

Bara Gâd Laih Purara iwi ba nina ba mayunan kabia, witin mita sip mai daukan waihlam nani pura luram ba.” Bara Ebram witin diara nani sut dakbi brin ba wina, matawalsip wina kumi saki baha mana Melkisedek ra yaban.

1 King Nani 8:56

“¡Dawan ba yamni pali kabia, ai uplika Israel luhpia nani ra kupia kumi lâka yan ba, dîa witin pramis win ba kat! Dîa dîa witin ai albika Moses ra aisin ba kumi sin swiras, sut kat yan aimakan.

1 Kronikas 29:20

Ningkara Debit upla nani ra win: “Nanara Dawan Gâdkam ra yamni wis.” Bamna upla nani sut bui Dawan ai aisika nani papaskrika ra yamni win; ningkara ai lal makupi banhwan bara Dawan king ra sin mayunan.

2 Kronikas 20:21

Bara tawan ra tânka plikan ningkara, aiwawanra nani kum kum mangkan kata, holi kwalka nani dingkan, suldiar nani kainara wapaia; bara lawana aiwani Dawan ra mayunaia: “Dawan ra tingki wis, kan ai latwanka lâka ba ban kaia ra sa.”

Nihimaya 9:5

baha ningkara Libait nani Jasua, Cadmiel, Binuy, Hasabnías, Serebías, Hodías, Sebanías bara Petahías sin buan bara win: “Bûi banhs, bara Dawan Gâdkam ra yamni wis ban kaia ra ban kabia. ¡Yamni wis ai nina pranakira mayunra sut pali wal kau purkara ba!”

Job 12:13

Sakuna Gâd ba sinskira bara karnakira sa; witin mita diara nani daukaia tânka ba luki sakisa bara tnata alkisa.

Lawana Nani 113:1

¡Dawan ba mayunan kabia! ¡Dawan napakanka nani, ai nina ba mayuns!

Lawana Nani 113:2

Nanara Dawan nina ba yamni pali wiaia sa ban kaia ra.

Lawana Nani 115:18

Sakuna yang nani lika, witin ra mayunamni nanara bara ban kaia ra. ¡Dawan nina ba mayuns!

Lawana Nani 41:13

¡Dawan ba yamni pali kabia, witinka Israel Gâdka ba, nanara bara ban kaia ra sin! ¡Baku kabia!

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Lawana Nani 62:11

Kau aima kumi walri naha Gâd aisin ba: karnika ba, bara latwan lâka ba witin ai dukia sa.

Sins Lâka 8:14

Wark daukaia tânka ba yang ra sa, bara baha daukaia ba sin, yang sika wapni daukaia lâka, karnika sin.

Jirimaya 32:19

Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.

Isikiel 28:3

¿Dîa lukisma Danel wal man kau sinskira sma? ¿Dîa man wina diara yukuwan ra âpu sa ki?

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 5:12

bara ai bîla baikra karna ni aisin: “¡Sakripais daukan Sîp Luhpia ba aitani sip sa pura aimakan karnika nani sut ba briaia, sins lâka ba, baha kukan ba, pain kulkan lâka ba, prana ba bara mayunra ba sin!”