Daniel 2:12 - DAWAN BÎLA AISKA

¹² King baha walan ba ra kasak pali ai kupia sauhkan, bara adar yaban Babilon ra sinskira nani ba sut kat ikbia.

Daniel 2:12 ပူးပေါင်းရင်းမြစ်များ

Job 5:2

Sari lâka ra, apia kaka kupiam pât wahwanka ra kauhaia ba, pat ban pruaia ra wan brih wisa.

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Sins Lâka 16:14

King kupia baiwanka ba lika, prura sturka twilkisa baku sa, bara sinskira nani dukia sa lamni daukaia ba.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 20:2

King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Sins Lâka 29:22

Lawan tara bri waitnika ba blahwan bukisa, bara kupia lapta uplika piua bani lâ manis sauhki unsabisa.

Daniel 2:24

Baha aisin ba ningkara, Daniel Arioc wal aisaia wan, witin ra sika king bui win kan ba, Babilon sinskirka nani sut ba ikbia, bamna witin ra win: —Sinskira nani ba ikpara, king ra ai brih was, bara yang bui yaprisauhkanka aiska tânka ba wimna.

Daniel 2:5

—Naha sika yang lukanki ba —king bui pana win—: Man nani baha yaprisauhkanka kaikri ba bara tânka sin ai wiras sma kaka, irbi mai paskan kabia, bara wamtla nani ba sin slingbi pura kat paski swin kabia.

Daniel 3:13

King Nabucodonosor kupia baiwan, bara win Sadrac, Mesac bara Abed-negó ba, witin ra brih wabia. Baha nani witin ra brih wan kan ba ra,

Daniel 3:19

Nabucodonosor naha bîla nani walan ba ra, wahma yumhpa ba mapara lawi kan ba mita, ai mawan ba pauni pali takan kan. Bamna win kubus ba kau aima 7 taim kau lapta daukbia kainara kata ba wal kau karna pali.

Daniel 5:19

Baha karnika yan ba mita, upla nani sut, nisan wala nani bara bîla sât wala aisi nani sut ba bui tara kulkan, bara sîa sin yabi kan. Bara witin yaura ikaia lukan ba ikan, purara bukaia kan ba bukan, bara wala nani ra batakaia kan ba sin batakan.

Matiu 2:16

Herod kaikan sinskira nani witin ra kunin munan, bara ai kupia baiwan. Bara adar yaban Betlehem ra bara baha tawanka lamara iwi tuktika waitna sirpi mani wâl bri ba wina ai mâyara ba sut ikaia, sinskira nani bal witin ra win ba piua pali ba kat.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.