Daniel 12:10 - DAWAN BÎLA AISKA

¹⁰ Upla ailal lika pât saura wahwaia aisin ba bâk luaia sa, bara baha wina klin bara kasak aihwakira kulkan kabia. Watawikira nani ba lika ban saura nani dauki kabia, dîa taki ba dukiara tânka sin briras kabia, sakuna upla sinskira nani ba lika diara sut tânka ba bri kabia.

Daniel 12:10 ပူးပေါင်းရင်းမြစ်များ

Lawana Nani 107:43

Ani uplika sins bri ba, naha wal ai dara wali kaia sa bara Dawan latwanka lâka ba tânka briaia.

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Sins Lâka 1:5

Ya sinskira bara lal swapni ba lika walbia, bara diara kau lan takaia plikbia,

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 47:11

Sakuna swamp bara lî kauhla âpu kabia; baha sâl laya man kabia, baha wina sâl saki kaia dukiara.

Daniel 11:33

Upla sinskira nani tawan ra ba bui upla ailal ra smalkbia, sakuna piua wiria ningkara baha nani sut ra ikbia, bara pauta ra angkbia, diara nani bri ba sut sin implikbia, tasba kakaira apia nani ra yaka alba nani takbia. Baha ba baku kabia piua kumi ra.

Daniel 11:35

Baku sin upla nani ra smalki kan ba kum kum ra nina bliki rausauhkan kabia, baku mika tânka ba pliki kaikan kabia, sut ba holi bara kasak lâka daukbia, baha piua mangkan ba tnata alkbia ba kat.

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Malaquía 3:3

Dawan bal iwbia prîs nani Libai kiamka nani ba sunu daukaia, silbar bara gul slaslilkra nani pauta klauhan ra kiski tâskika saki ba baku. Baha kat lika witin nani daukaia kata ba baku dauki si, prisantka nani Dawan ra brih balbia.

Mark 4:11

Bara Jisas win: “Man nani ra lika Gâd king aimaki ba lâka dahra yukukan nani ba param mamrikan sa; sakuna latara uplika nani ra lika maprika lilka ni smalkan sa;

Luk 24:25

Bara Jisas win: —¡Man nani lika sip diara tânka briras sma, prapit nani diara nani aisin dukiara sin pat sip kasak lukras sma!

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Jan 8:47

Ya Gâd wina sa kaka, Gâd bîla nani ba aman walisa; sakuna man nani na Gâd wina apia sma ba mita, walaia want apia sma.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 12:10

Wan aisika nani tasba ra ba bui piu wiria baman wan wapnika mangki kan, witin nani aitani lukan ba kat. Sakuna Gâd lika wan painka dukiara wapni wan mangkisa, witin holikira ba baku yawan sin holikira nani wan daukaia dukiara.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 16:11

bara witin nani kasbrika pura Gâdka mapara diara saura nani aisan, ai latwanka nani bara ai wîna sukwanka tâka ba mita. Sakuna witin nani saura dauki banhwi kan ba swi si ai kupia lakras kan.

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.

Param Marikanka 19:8

mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.

Param Marikanka 22:11

Bara baha ba kau bamna, swis saura dauki uplika ba ai saurka ban dauki kabia, tâski dauki uplika ba ai tâskika lâka ba ban dauki kabia; sakuna upla kasakkira ba kasakka lâka ba ban dauki kaia sa, bara upla holikira ba Gâd ra ban kasak kabia.”

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.

1 Samuil 24:13

Wan damika nani aisinka kum ba naku wisa: ‘Watawika lâka ba, watawikira nani wina sa’; ba mita yang pali lika king tara ra mihti bukamna apia.