Daniel 12:1 - DAWAN BÎLA AISKA

¹ ‘Baha piua ra Maikel ba latan takbia, witin sika insal tara pali uplika nani kaina kahbi ba. ‘Baha piua ba lika kupia wirha piua kabia, upla nani iwan ba piua wina kau baha sât piua ba âpu kata, nisan nani bâra ba tilara. Baha piua ba aimakbia ba ra, man uplikam nani ba sut swaki sakan kabia, man wauhkamtaya ra ai nina ulbi mangkan nani ba.

Daniel 12:1 ပူးပေါင်းရင်းမြစ်များ

Lawana Nani 56:8

Man bui yang ra ai munan, plapi baman taukisna ba sut kulki brisma, baku sin naikra laya nani ba sut ulbi brisma. ¿Man baha nani ba wauhtaya ra ulbras katma ki?

Lawana Nani 69:28

¡Raya kaia wauhkataya ba wina diki sâks! Bara kasakkira nani nina aikuki ulbi mangkpara.

Aiseya 4:3

Ya kau raya Saion ra takaskan kabia ba Jerusalem ra sin pruras kau raya kabia uplika nani ba baha nani sut bâra iwi kabia, baha nani nina ba naku mâki kabia: “Dawan mita holi daukan witin ai uplika nani.”

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Jirimaya 30:7

¡Trabil saura piua kum baila aula, baha yua pâtka sât kau takras! Jekob uplika nani sarka piua kum, sakuna yang bui witin nani swaki sakamna.

Isikiel 13:9

Yang mihti ba bukamna klala yabaia, prapit nani diara bahki nani kaiki bara kunin man smalki nani mapara; tawanki asla takanka ra âpu kabia; nina sin ulban kabia apia, Israel watla uplika wauhtaika ra, Israel tasbaya ra sin tawbia apia. Bara damra walma yang sika Dawan sna ba.’

Isikiel 34:24

Yang, Dawan ba, ai Dawanka kamna, bara duki dadaukra Debit ba tâ brabrira kabia. Yang, Dawan ba, aisari.

Isikiel 5:9

yang baku daukras kapri bara kli sin baku daukamna apia. Man nani daukankam ba saura pali kaikisna.

Daniel 10:13

Persia kingka luhpia waitna ba, yu 21 yang maipara kan, sakuna Maikel, insal tâ aimaki nani ba wina kau king luhpia baku ba bal taiban kan, bara ban bahara takaskri Persia kingka nani wal.

Daniel 10:21

Bamna nanara mai wiaisna baha wauhkataya kasak ba ra dîa ulban ba: Witin nani ba mapara aiklabaia sna ba Maikel hilpka ba baman brisna, wan kingka luhpia ba.

Daniel 11:45

Ai tintka watla ba bapan kabia kabu ba wina Tasba Pranakira ilka holikira ba kat. Sakuna baha pali kat, witin pruaia awarka ba aimakbia, upla âpu kabia witin ra hilp munaia.

Daniel 7:10

bara ai mawan ba wina pauta klauhan awalka baku bal taki kan, tausin nani ailal bui ai dukia dauki kan, milian nani ailal ba, witin mawanra bûi banhwi kan, lâ iwaika ra iwi ba aidrubanka ba mahka tâ krikan, bara wauhkataya nani ba kwâkan.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Joel 2:2

tihmia tara bara mukus nani yua, kasbrika nani bara dista yua. Suldiar karnakira daknika tara kum unta nani purara bal iwan sa, lalma kahbi ingnika ba baku sa. Baha sât dukia takan upla kau kaikras kan, kli baku sin takka kaikbia apia, diara kum talika baku sin apia.

Malaquía 3:16

Gâd ra tara kulki nani kan ba, ai tilara naku aisi banhwan, bara witin nani aisi kan ba Dawan aman pali wali kan. Witin nani Dawan ai mawan kat bâra kan bara wauhkataya kum ulban, bahara ai kupia krauki kan, baha nani Dawan ra kulki mayuni nani ra, bara kulki saki brisa.

Matiu 24:21

kan baha piua ra pât wahwanka nani manis kabia, bara bahmuna patitara piua wina âpu kan, tasba paskan wina, naika piua ra sin baku kabia apia.

Mark 13:19

kan baha yua nani ra lika pât wahwanka tara kabia, bahmuna kau patitara piua ra âpu kan, Gâd mita tasba paskan wina, naika piua ra sin bahmuna yua âpu kabia.

Luk 10:20

Sakuna, pirit saura nani man nani bîlam wali ba ra wisi lilia taki kapara, sakuna ninam nani ba kasbrika purara ulban sa bamna, liliam bas.

Roman 11:15

Ju nani ba lulki swin ba mita, tasba uplika nani ba Gâd wal kupia kumi lâka brin. Witin nani ba Gâd bui kli bribia ba ra, ¿dîa kabia? ¡Pruan kan nani ba raya kaia lâka ba bribia!

Roman 11:26

Ani piua baku takbia, bâra lika Ju nani ba sut swaki sâkbia, kan Ulbanka ba baku wisa: “Pri sasakra ba Saion wina balbia, bara witin mita Jekob wina saurka ba sâkbia.

Epesus 1:21

Kraist lika kasbrika purara karnika bri nani ba sut purkara kau karna sa, lâ karnika alki nani ba, dawan taki nani ba, pura aimaki nani ba, nina wala nani ba nanara bara naika bâra mâkbia ba sut purkara sin.

Pilipai 4:3

Bara man sin, wark daukaia mapa ra pâinika kasak sma ba, mamkabisna naha mairka nani ra hilp munma, witin nani ba yang wal swaki sakan sturka yamni ba smalki karna wark taki bamna, Clemente bara wala nani yang wal wark takan ba aikuki. Witin nani nina ba raya kaia wauhkataya ra ulban sa.

Judas 1:9

Bamna arkinsal Maikel, Moses wîna tara briaia ba dukiara dibil wal aiklabi blahwi kan ba ra, witin dibil ra swira dauki kira pât ra lakras kan; sakuna naku baman win: “Dawan mita klala maikbia.”

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

Param Marikanka 12:7

Bara kasbrika purara war tara kum takan: Maikel ai insalka nani aikuki dragun ba mapara aiklaban. Dragunka ai insalka nani sut kira sin mapara bûi aiklaban;

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.

Param Marikanka 17:14

Witin nani Sîp Luhpia ba mapara aiklabi kabia, sakuna Sîp Luhpia ba witin nani pura lubia; kan witin ba Dawan nani dawanka sa, King nani kingka sin, bara witin wal nani ba lika, Gâd mita paiwan sa bara wahbi sakan sa, bara kasak sin banhwisa.”

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.

Param Marikanka 20:15

Ani uplika nina raya kaia wauhkataya ra ulbras kan ba, pauta lakni lakunka ra lulkan kata.

Param Marikanka 3:5

Ani uplika nani sip muni pura lubia ba, kwala pihni ni dingkan kabia, bara raya kaia wauhkataya wina, yang ai nina nani ba diki sakamna apia. Aisiki mawanra bara ai insalka nani mawanra sin, yang param wimna witin nani ba yang duki kulkisna.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.