Daniel 11:8 - DAWAN BÎLA AISKA

⁸ Baha purkara, ai gâdka nani sut ba Idsip ra brih wabia, bras ni lilka nani dauki bapan nani ba, bara gul wihki silbar ni diara nani paski daukan ba sut sin brih wabia. Mani kum kum ningkara lika, baha king tasbaya wâl ba war âpu iwi kabia.

Daniel 11:8 ပူးပေါင်းရင်းမြစ်များ

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

2 Samuil 5:21

Baha purkara, filisteo nani ai aidulka nani ba lulki si plapan, bara Debit ai uplika nani aikuki baha nani wahbi brin.

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Aiseya 2:16

Tarsis durka tara nani baku sa, apia kaka duri tara painkira nani baku.

Aiseya 37:19

Baku sin ai gâdka nani pauta ra angkan baha nani ba, gâd nani apia kan bamna, sakuna upla mita daukan, dus nani bara walpa nani ni daukan kan ba. Baha mita sika sauhki tikan ba.

Jirimaya 46:25

Dawan, karnika sut bri ba, Israel Gâdka ba, aisisa: “Amón Tebas gâdka ba klala yabaisna, Idsip gâdka nani ba, kingka ba sut, king fero ra kasak luki nani ba sin klala yabaisna.

Daniel 10:3

Plun auhni nani piras katna, wîna bara wain sin kangbras katna, isint sin wîni ra mangkras katna baha wik yumhpa luan ba kat.

Daniel 11:9

Yahbra tani kingka ba bui muna tani kingka ra aiklabi pura luaia munbia, sakuna yaka witin nani mahka ai ninara taki wabia.

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.

Kulki Kaikanka 33:4

Idsip uplika nani ai luhpia tawahkia pruan nani ba biki banhwi kan ba ra, baku Dawan ai karnika ba witin nani ra mariki kan, Idsip gâdka nani lâka sin daukan.

Kli Smalkanka 12:3

Ai altarka nani ba slingbi tiki, walpaya nani ba sin pîs ra baman dauks, bara playka nani bapi ba ra mayuni nani ba sut angks lubia. Gâd bahki lilka nani ba sut sauhki tiks, nina ulban pliska nani ba sin diki sâks.

Wihta Nani 18:24

Micaías pana witin nani ra win: —Yang gâdki nani mihti nani wal paski bri kapri ba, bara prîski ba sin, man nani brih auma, bara duki nani âpu ai dauki ai swisma, ¿bara kau ban kupias baku makabi walisma, man nani dîa trabil brisma?