Daniel 11:39 - DAWAN BÎLA AISKA

³⁹ Kau kulkanka yabia, gâd bahki nani ra mayuni gâdka nani bribia, ai aisika nani mayunras kata ba bara naha kingka ra mayuni ba sin, witin bui mayunra tara daukbia, tara kulkan lâka ba yabia, ai mana baku wisa tasba nani sin yabia.

Daniel 11:39 ပူးပေါင်းရင်းမြစ်များ

Daniel 11:38

Ban sakuna, kan kahbaika pliska nani gâdka ra mayunbia, ai damika nani bui tânka briras kan ba gâdka ra mayunbia, bara sin yabia gul, silbar, walpa manakira nani bara diara mana tara bri nani ba sin.

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.