Daniel 11:36 - DAWAN BÎLA AISKA

³⁶ ‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 11:36 ပူးပေါင်းရင်းမြစ်များ

Lawana Nani 136:2

Man nani, Gâd ra tingki wis, Dawan nani dawanka ra, ai latwanka lâka ba ban kaia ra ban sa bamna.

Lawana Nani 33:10

Dawan ra lukras uplika diara daukaia luki ai lâka nani dauki ba, witin mita baha lâka nani ba sut pali batakisa,

Sins Lâka 19:21

Upla kupia ra diara daukaia lukanka nani manis bâra sa; sakuna lâ tânka, Dawan lukan ba kat lukras sa kaka ban kabia.

Aiseya 10:23

Kan karnika sut bri Dawanka ba sauhki tikaia lâka ba, witin luki kaiki daukan sa bamna tasba aiska ra baku daukbia.

Aiseya 10:25

Sakuna naha wina pat pali kau piua wihka waras ba ra, klala nani ba brih balan kabia, kupi baiwanka bara lawanki ba mita, witin nani ba sauhki tikan kabia.

Aiseya 10:5

“¡Asiria kingka ba! Witin ba sika, yang dus kum baku yus munisna kupi baiwi piua ra, witin ni klala yabisna, lawisna ba ra.

Aiseya 14:13

Man kupiam ra wisatma: ‘Kasbrika purara uli wamna; waitla daukamna, Gâd slilma nani paskan ba tilara; iwaiki bahara paskamni, bara king baku iwamni, yahbra tani nani ra, baha ilka ra, gâd nani asla taki ba pliska ra.

Aiseya 14:14

Kasbrika nani ba wal kau purkara ulamni; bara Laih Purara bâra ba wal baku kamni.’

Aiseya 26:20

Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Aiseya 57:9

Gâd Mélec ra plapi waram batana laya brih muni bara isint kîa pain ba sin ailal; bîla twatwilkra nani ba laihura blikram, witin nani ba, pruan nani kingka tasbaya kat brih waram.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 35:13

Bîlam kwâkram maipara buan lâka wal, bara twisam lanhwan yang maipara aisaia. Yang walri.

Daniel 11:16

Aiklabi dimi aula ba dîa ai brinka ba kat daukbia pura lui taiban nani ra, upla sin âpu kabia mawanra buaia, bara Tasba Pranakira ra takaskbia.

Daniel 11:3

Sakuna baha ningkara king kum aimakbia bara war aiklaklabra pali ai karnika ba ni king tasbaya tara kum pura lubia, bara diara sut witin dauki kabia ba ai brinka kat baman kabia.

Daniel 11:37

Naha kingka na ai damika nani gâd nani bri kan ba nani ra kulkras takan, mairin nani ba ni mayuni gâdka nani kumi ra sin apia, kan witin bui lukisa witin ba kau tara sa gâd nani sut ba wal.

Daniel 12:7

Bara linin kwalka dimi waitnika ba, ai mihta nani kasbrika purara buki, Gâd rayakira ba nina mâki swer taki win: ‘Piua yumhpa pura bakriki ba kat, Gâd uplika sauhki tiki nani karnika ba dakbi sakan kabia ba kat, bâra mika naha diara nani na tnata alkan kabia.’

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Daniel 5:19

Baha karnika yan ba mita, upla nani sut, nisan wala nani bara bîla sât wala aisi nani sut ba bui tara kulkan, bara sîa sin yabi kan. Bara witin yaura ikaia lukan ba ikan, purara bukaia kan ba bukan, bara wala nani ra batakaia kan ba sin batakan.

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Daniel 7:8

“Kau yang aringka nani ra kaiki kapri, aringka nani tila ba wina aringka sirpi kumi urhwi takan, aringka nani ba wina yumhpa daiki sakan kata wala bal takuya ba dukiara, baha ba upla nakra nani baku bri kan, bara ai bîla ni diara tara nani aisi kan.

Daniel 8:19

bara ai win: ‘Yang mai wiaisna, Gâd lawanka ba tnata alkbia piua ra dîa takaia sip ba. Man diara aihka kaikram ba lika, tnata yua dukiara sa.

Daniel 8:4

Kaikri sîp wainhka ba ai aringka ni muna tani ra pruki kan, yahbra tani ra bara muna tani ra sin, daiwan kumi sin witin mawanra buaia ba âpu kata, ai karnika ba wina upla kumi sin sip swak takras kan. Ai kupia lâka kat dauki kan, bara piua bani kau karna taki kata.

Sakaraya 11:16

Kan yang naha kuntrika ra sepad kum mangkamna sîp aimawahkan ba dukiara diara lukras kabia ba, tiwan ba plikbia apia, insauhkan nani ba sîka daukbia apia, swapan ba sin plun yabia apia, sakuna sîp kau batana nani ba sut pibia, sûska nani sin swibia apia.

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Jan 6:38

Yang kupi lâka kat daukaia wisi kasbrika pura ba wina balras, sakuna witinka ai blikan ba kupia lâka daukaia mika.

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

2 Tesalonaika 2:3

Upla kumi mita sin yarka kunin mai munbiara. Kan baha yua kainara, Gâd mapara buaia lâka ba pas balaia sa, upla saurakira ba bal takbia, witinka tanis tiwaia pâtka ra lulkan ba.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

2 Tesalonaika 2:8

Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia, bara witin aula ingnika ba wal sauhki tikbia.

Jasua 22:22

—Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.

Param Marikanka 10:7

Sakuna insal 7 ba ai trumpitka mahka puhbaia piua balbia ba ra, Gâd dahra yukukan ba aimakan kabia, witin pali ba ai dukia dadaukra nani prapit nani ra win ba baku.”

Param Marikanka 12:14

Sakuna mairin bara yakal tnawa tara wâl yan kan, upla iwras tasbaya pliska ba ra pâli wabia wisi; mani yumhpa pura bakriki witin ra plun dakaki kaia kan ba pliska ra, piuta ba wina laihura bâra kaia.

Param Marikanka 13:1

Bara yang daiwan saura kum kabu wina bal uluya kan kaikri; witinka ba lal 7 bri kan, bara aringka matawalsip. Ai aringka bani ra kraun kum bri kan, bara ai lal nani ra Gâd kupia sauhkaia nina kum ulban kata.

Param Marikanka 17:17

Gâd mita witin nani kupia ra mangkan witin kupia lâka daukaia, baha nani wal ai lukanka kumi daukan bamna, bara daiwan saura ba ra king nani karnika yan ba mita, Gâd bîla nani aisan ba aimakbia ba kat.

Param Marikanka 17:3

Spirit ba ai karnika munhtara ai brin, bara insal ba mita upla iwras tasbaya ra ai brih wan. Bahara mairin kum kaikri daiwan saura pauni kum purara iwi kan, bara daiwra wîna tara pura aiska ba, Gâd mapara saura aisaia nina baman kan; baha ba lal 7 bri kan, aringka sin matawalsip.