Daniel 11:23 - DAWAN BÎLA AISKA

²³ Kunin munbia baha nani ra latwan lâka wisi aikuki wal asla taki lâ daukan ba, baku bamna mapara wabia bara ban sin pura lubia.

Daniel 11:23 ပူးပေါင်းရင်းမြစ်များ

Blasi Sturka 34:13

Ban sakuna, Siquem mita Dina ra swira tara daukan bamna, Jekob luhpia waitna nani pana, Hamor papika ra sin kunin munan,

Lawana Nani 52:2

Man twisam, saura daukaia dukiara baman aisisa; man twisam ba, upla âikra pali sa, sin skiru malika ba baku.

Sins Lâka 11:18

Watawikira ba kunin lâka ra ai mana brisa, kuna kasakka lâka mâ mangki ba, ai mana kasak aihwa bribia.

Daniel 11:22

Ai karnika dîa bri ba sut lika âpu daukan kabia, baha purkara wal lâ daukan lalka ba ikan kabia.

Daniel 11:24

Upla kumi sin lukras kabia piua ra, baha tasbaya ra ani pliska nani kau yuya bri ba sâtka ra dimi wabia bara ai aisika nani, ai damika nani daukras kan dukia nani ba daukbia, war aiklaklabra nani bui aiklabi dakban dukia ba, bara yuyaka nani sut sin war aiklaklabra nani aikuki yui bribia. Tawan karnakira nani mapara aiklabaia waia lâ daukbia, baha ba yu kum baman kabia kra.

Daniel 8:24

Karnakira pali takbia, sakuna witin pali ai karnika ni lika apia, uya pali sauhki tikan kabia, bara diara sut daukbia ba yamni takbia. Waitna karnakira nani ba âpu daukbia, baku sin Gâd uplika nani ailal ra.

Daniel 8:25

Ai âuya mâira lâka bara ai kuninka lâka ba mita pura luan lâka bribia, praut lâka ni aibanhwan takbia, upla ailal witin ra kasak luki ba sut rayaka tikan kabia, king nani kingka luhpia mapara bubia, sakuna witinka ba bui âpu daukan kabia.

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

2 Tesalonaika 2:9

Baha saurakira balaia ba lika, Sitan hilpka wal balbia, bara karnika tara wal balbia, sain nani, diara aihkakira kunin sâtka nani wal sin.