Daniel 11:12 - DAWAN BÎLA AISKA

¹² Witin pura luanka brin ba, bara ai waihla nani ailal pali pruan ba kaiki purara kaia lukanka ni aibanhwan kabia, sakuna ai karnika ba piua wihka wabia apia.

Daniel 11:12 ပူးပေါင်းရင်းမြစ်များ

2 King Nani 14:10

Edom ra pura luram ba kasak kulkisna, baha mita man kupiam ra lukisma man baman sma. Aitani pain, man baman sma baku luki bas; sakuna kanra yamni kabia man watla ra takaski bâra kama. ¿Dîa kan man un pâtkam plikisma bara Juda ra sin pât ra dingkaia lukisma?”

2 Kronikas 25:19

Man bila wisma Edom uplika nani ba sauhki tikram, baha wal man liliam brisma, bara mayunra ba kau plikisma. Sakuna kau yamni sa wamtla ra kama. ¿Dîa kan man bui klauna plikisma sauhki tikaia bara Juda ra sin pât dingkisma?”

2 Kronikas 26:16

Sakuna ai karnika ba brin ba ra kli praut takan, baha tâka witin ra sauhki tikan. Witin Dawan ai Gâdka ra kulkras daukata, kan witin Dawan tempelka ra dimi mahka kîa yamni dukia nani ba angkan altar ra.

2 Kronikas 32:25

Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

Sins Lâka 16:18

Praut lâka ninara sauhki tikan lâka sin aula; pura luaia spiritka ba ninara, kauhanka tara sin balisa.

Isikiel 28:17

Pramna ba mita, mamyunra wal banhkram; kulkanka tara brisma ba mita sinskam lâka tikan. Yang tasba ra mai batakri, swira lâka ra mai lakri king nani mawanra.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:5

Diara âiatkra sip kaia lâka ba wal, yuyakam nani ba ailal pali daukram, bara yuyakam nani ba mita aimayunra mai daukan.

Daniel 11:11

Yahbra tani kingka ai war aiklaklabra aikuki bal kutban ba mita muna tani kingka ba ai kupia sauhkbia, bara witin taki wabia ai waihla tara ba mapara aiklabaia bara sauhki tiki pura luan kabia.

Daniel 11:13

Yahbra tani kingka ba kli war aiklaklabra waitnika nani asla daukan kabia, kainara kata ba wal kau dakni tara, bara mani kum kum ningkara, ai war aiklaklabra daknika tara brih muna tani mapara aiklabaia wabia, aiklabaia dukia ailal pali ba wal.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 8:25

Ai âuya mâira lâka bara ai kuninka lâka ba mita pura luan lâka bribia, praut lâka ni aibanhwan takbia, upla ailal witin ra kasak luki ba sut rayaka tikan kabia, king nani kingka luhpia mapara bubia, sakuna witinka ba bui âpu daukan kabia.

Kli Smalkanka 8:14

Tara pulan lâka ni aibanhwi, Dawan Gâdkam âmya tikpara, alba kapram Idsip wina mai sakan ba.

1 Timoti 3:6

Bamna, tâ bri uplika ba, bisi pali Dawan ra tawan uplika kaia apia sa, witin ai wîna ba tara puli dibil pât ra lulkan ba baku witin ra sin lulkbiara sîa.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”