Daniel 10:16 - DAWAN BÎLA AISKA

¹⁶ Pat pali upla kum balan, baha upla luhpia waitna baku kan, witin bui uni nani ra kangban. Bara maiwanra bûi kan uplika ba ra wîri: ‘Dawanki, naha diara aihka kaikri na bui kupi wirha takan bara sin swapni sin takri.

Daniel 10:16 ပူးပေါင်းရင်းမြစ်များ

Impakan Sturka 4:10

Sakuna Moses pana win: —¡Ay, Dawan! Yang sip bîli pain aisaras sna, yang trabilki na lika nahwala bara naiwa wina lika apia sika, sakuna patitara wina yang sip pain aisaras ban sna, sturi aisisna bani twisi ba alkisa.

Impakan Sturka 4:13

Sakuna Moses kau ban tuswi aisin: —¡Ay, Dawan, mamkabisna, pliskam, upla wala kum blîks!

Smasmalkra 1:18

Kasak sa sins lâka tara briaia ba, trabil nani ailal sa, kau lan takisa, kau sin pât brisa.

Aiseya 6:7

witin baha ni bîli kat kangban, bara ai win: “Kaiks, naha unam ra kangban, bara saurkam ba man wina sakan sa bara saurkam ba ban swih tikan sa.”

Jirimaya 1:9

Bara Dawan ai mihta sakbi uni ra kangbi bara ai win:

Isikiel 1:26

Kasbrika pura sangnika tara baku ba purara kaikri diara kum bâra kan king iwaika kum sapair ni daukan baku kan. Baha iwaika baku paskan ba purara upla kum bâra kan, witin ba waitna.

Isikiel 3:27

Sakuna yang sturi kum mai wiaia want sna piua ra, yang kli maikrika sturi aisama, bara ningkara man wima: ‘Dawan ba naha aisisa.’ Ya walan dauki ba walbia, sakuna ya walan daukras ba sin walras kabia, kan tawan kum mapara babura nani sa.

Isikiel 33:22

Tihmia kum kainara plapan ba balras kanra, Dawan ba ai mihta yang purira mangkan; bara titan ra, waitnika ba balan ba ra, Dawan kli bîli aisanki ba aikan, bara sip sturi aisaras kapri ba swiri.

Daniel 12:8

“Dîa aisi kan ba walri, sakuna tânka lika briras katna. Bara makabi walri: ‘Wihtki, ¿naha diara nani ningkara dîa takbia ni?’

Daniel 4:19

“Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Daniel 7:15

“Bara yang, Daniel sibrin lâka ba bui puri lui kata, diara nani kaikri ba dukiara kupi ra turban ai muni kata.

Daniel 7:28

“Naha kat bîla nani ba prakisa. Bara yang Daniel kupi uya pali turban kata, ban sin maiwan ba pihni pali takri kata, sakuna naha diara kaikri ba dukiara upla kumi ra sin wiras kupi ra ban bri katna.”

Daniel 8:15

“Yang Daniel, naha diara aihka kaikri ba tânka pliki kaiki kapri ba ra, waitna kum lilka maiwanra bal takan,

Daniel 8:17

“Bara witin ba laimara balan bara yang tâ iwan takri, bara yang bawri maiwan ba tasba kat bri si prakri, sakuna witin bui ai win: ‘Upla luhpia waitna, luki bas naha diara aihka kaikram ba lika tnata yua tânka sa.’

Daniel 8:18

“Witin kauhi aisi kan bara bla baku ai alkan tasba kat kauhi prawi kapri, witin bui ai kangban bara kupi krawan buri,

Daniel 8:27

“Yang Daniel, daihra walri karnika âpu baku kapri, bara yu ailal siknis kapri. Baha ningkara mahka buri bara king dukia daukaia kapri ba mahka daukri. Sakuna kupi ra uya turban pali bri katna, baha diara aihka kaikri ba dukiara, kan baha sip tânka ba briras kapri.

Daniel 9:21

Yang kau puri suni kapri piua ra, Gabriel, witinka kainara yang diara aihka kaikatna ba, sakripais Dawan ra yaia awarka lama pali kata tutnika.

Luk 1:64

Bamna baha sim piua ra, Sakaraya lika sturi aisan bara Gâd ra sin mahka mayunan.

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Jan 20:28

Tamas mita pana win: —¡Yang Dawanki bara yang Gâdki!

Jasua 5:14

—Kumi sin apia, wala ba sin apia —waitnika ba pana win—. Dawan aiklaklabra nani bri ba, baha nani pura wihtka baku yang balri. Bara Jasua lika witin mawanra ai mawan ai lal tasba kat bawan, bara makabi walan: —¿Dawan mita man nampakan ra dîa wiaia brin mai daukisa?

Param Marikanka 1:13

Baha kiandil bapaika nani 7 ba lilapas diara kum kum kaikri; mawan ba upla mawan talia kan, witin kwala kum dimi kan ba yari ai mina kat kan, bara gul ni ai maisa wila kum bri ban ba ai lama dusa kat kan.

Wihta Nani 13:8

Bara Manoa lika Dawan ra ai pura suni, win: “Dawan, yang bui man ra puri sunisni, baha waitnika ba kli yang nani ra blîks, bara witin wan wibia baha tuktika aisubi takaia ba wal yang nani dîa pali daukaia sna ba.”

Wihta Nani 6:13

Bara Gedeón pana aisin: —Mâsa, padin ai muns, sakuna Dawan ba yang nani wal sa kaka, ¿dîa muni naha diara nani naku yang nani ra takisa? ¿Anira sa Dawan daukanka karnakira nani ba, baha dukiara wan damika nani wan aisi kan ba Idsip wina wan sakan piua ra? Sakuna witin naiwa wan lulkan bara Madián uplika nani mihta karnakira ra mangki wan swin.

Wihta Nani 6:15

Sakuna Gedeón kli pana aisin: —Dawan, kau aima kumi padin ai muns, ¿nahki muni yang bui Israel ba swaki sakamna? Manasés taika nani sut tilara, yang masraki nani ba kau umpira sa, bara yang kau sirpi sna taiya nani sut tilara.