Daniel 10:1 - DAWAN BÎLA AISKA

¹ Persia kingka Ciro mani yumhpa king aimaki kan piua ra, Daniel nina wala Beltsasar mâki ba, diara aihka kum kasak pali kan kaikan ba, sakuna tânka ba briaia karna pali kata, sakuna baha dukiara Daniel kasak pali tânka pliki kan, bara sip kan diara aihka kaikan ba tânka pain briaia.

Daniel 10:1 ပူးပေါင်းရင်းမြစ်များ

Blasi Sturka 41:32

King, man yaprisauhkan aima wâl kaikram ba baha diara nani aula ba dukiara sa. Gâd ba ai kupia wal pat lâ daukan sa, witin baku daukaia, bara baha win witin pat pali daukbia.

2 Kronikas 36:22

Ciro king aimakan pas mani alkan ba ra, Persia kingka ba, Dawan bîla Jirimaya aisinka ba aimakbia dukiara, Dawan ba Ciro ra tâ baikan, king tasbaya aiska ra ulbi lakaia naha lâka nani ba:

Esdras 3:7

Walpa bara dus ni utla mâmakra nani ra lalah yaban, bara plun, wain bara batana laya nani Tiro bara Sidón uplika nani ra yaban, Líbano wina kabuk yalam tatka nani ba Jope kat bri balaia dukiara, Persia kingka Ciro adarka baku daukbia win kan ba kat dauki banhwi kan.

Esdras 4:3

Bara Zorobabel, Jasua bara Israel aisika nani bui pana naku win: —Aitani apia kabia yang nani na man nani wal Gâdki watla ba mâkaia, kan Persia kingka Ciro bui ai blikan, yang nani yakan naha na mâkaia, Israel Gâdka watla ba.

Esdras 4:5

Bara baha waihla nani ba mita tila Persia tasbaya wihtka nani ra aibapan, bara baha wihtka nani ba mita tempel mâki nani ba mapara kan, Ciro, Persia kingka aimakan piua sut ra, Darío, Persia kingka aimakan yua ba kat.

Esdras 6:14

Bara baku, Ju nani tâ uplika ba wark tara ba ban dauki ai kainara brih waia sip kan, prapit nani Hageo bara Sakaraya aisan ba kat, witinka na Idó luhpia kan ba. Baku bamna, Israel Gâdka win ba kat paskan, Persia kingka ba adar win kan ba kat sim katka ra.

Esdras 6:3

“King Ciro, witin king aimakan pas manka bilara, naha adarka nani yan ulban: ‘Gâd tempelka Jerusalem ra ba dukiara lika: Utla tara playka nani ba bapi, bara kli mahka mâkbia, bahara sakripais dauki kaia dukiara; tempelka ba naku yahpika bri kabia: 90 pît purara, bîla yahpika sin 90 pît;

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Daniel 1:17

Naha wahma walhwal ra, Gâd bui sins lâka bara diara tânka kaikaia lâka yan wauhkataya ulban ba ni, sinska lâka nani sut tânka briaia. Daniel ra lika baha purkara diara aihka nani yaprisauhkan nani kaikaia tânka yaban.

Daniel 1:21

Bara Daniel ban bahara takaskan Ciro king mani pas aimakan piua ba kat.

Daniel 1:7

King watla ra dukia dadaukra nani lalka ba bui naha wahma nani nina ba mâkan Daniel nina ba Beltsasar; Ananías ba Sadrac; Misael ra Mesac mâkan; bara Azarías ba Abed-negó mâkan.

Daniel 10:14

Baku bamna balri, naika piua ra man uplikam nani ra dîa takaia tânka ba mai wiaia, kan man diara aihka kaikram ba baha piua dukiara sa.’

Daniel 11:2

Bara nanara maikrika diara kasak ba tânka brima: ‘Kau Persia king yumhpa king aimaki kabia, baha ningkara king walhwalka ba king aimakbia, witin ba king yumhpa ba sut wal kau yuyakira pali kabia. Ai yuyaka ba ni karnika tara alkan kabia, ai karnika aiska ni Grik tasbaya kingka tasbaya mapara bubia.

Daniel 12:4

‘Sakuna, man Daniel, naha wauhkataya diara nani na yukuki bara sîl mangks, piua balbia ba kat. Upla ailal lika nahara bukra tauki kabia, ai sinska lâka kau briaia wisi.’

Daniel 12:9

Bara witin bui ai win: ‘Ban yabalkam ba nina bliki bas, Daniel, bamna naha diara nani na yukuwan ra ban bri kabia piua tnata alkbia ba kat.

Daniel 2:21

Witin mani nani bara piua wala nani ba sin lakisa, king nani ba sakisa bara mangkisa, sinskira nani ra sins lâka ba yabisa, diara tânka bri nani ra tânka bri kaia yabisa.

Daniel 4:8

Tnata ra Daniel, nina wala Beltsasar mâki ba bara gâdki nina baku bri ba, bal diman, witin ba Gâd sunukira pali ba spiritka bui tâ bri impaki ba, witin ra yaprisauhkanki ba wîri naku natka ra:

Daniel 5:12

Daniel ba king mita Beltsasar mâkan ba, witin sika spirit aihka tara kum bri kan, diara tânka kaikaia lâka, sins lâka sin bri kan, yaprisauhkan nani tânka kaikaia, bîla aihka nani tânka bara aihkakira wala nani tânka sakaia sin nu sa. Bamna king, Daniel ba paiws, bara witin bui baha utla tnaya ra ulban ba tânka mai wibia.

Daniel 5:17

Bamna Daniel bui pana win: —Wan Kingka sma ba, dîa mana luha aikaia wisma ba ban swis, bara man wamtla ra kulkanka lâka tara briaia ba upla wala ra yas. Ban sakuna, yang bui man king tara ra wimna, baha bîla nani utla tnaya ra ulban ba tânka.

Daniel 6:28

Daniel ba king Darío tasbaya ra ban kulkan lâka ba alki kata, bara king Ciro Persia kingka aimakan ba piua ra sin.

Daniel 8:16

bara upla bîla baikra kumi walri Ulai awalka ba wina, bîla baikra ba naku aisi kan: ‘Gabriel, man naha waitnika ra diara aihka kaikan tânka ba wis.’

Daniel 8:26

‘Diara aihka kaikram ba tutni bara titan wal tânka ba pat param mamrikan, bara baha ba kasak sa; sakuna man lika diara aisaras sâp katma, kan baha ba piua ailal lubia bara tnata alkan kabia.’

Luk 1:20

Sakuna diara mai wîri ba kat man kasak lukras kapram bamna, naiwa wina bîlas kama, mai wîri na takbia ai piua aimakbia ba kat.

Param Marikanka 19:9

Bara insal ba mita ai wisata: “Naha na uls: ‘Lilia pali sa Sîp Luhpia marit takan lilia ra paiwan nani ba.’ ” Insal ba mita kau ai win: “Naha nani lika Gâd bîla kasak lâka sa.”