Blasi Sturka 9:6 - DAWAN BÎLA AISKA

⁶ “Ani uplika ai walka tâlia laiki ba, kli upla wala mita sin witin ai tâlia laikan kabia; kan upla ba Gâd lilka ra paskan bamna.

Blasi Sturka 9:6 ပူးပေါင်းရင်းမြစ်များ

Blasi Sturka 4:14

Kaiks nâra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai sâkbia ba ai ikbia.

Blasi Sturka 42:22

Bara Ruben pana witin nani ra win: —Baha pat yang bui man nani ra mai wîri, tukta ra man nani baku munpara. Sakuna man nani bui yang bîli walras kapram, bamna nanara yawan lika witin ai tâlia mana aibapaia sa.

Blasi Sturka 5:1

Naha sika Adam kiamka nani wauhkataya ba. Baha yua Gâd upla ba paskan bara ai lilka ba kat paskan;

2 Samuil 4:11

¡Baha daukri ba baku man nani wal kau tara daukamna, watawikira nani, upla pâtkas kum man nani ikram ai watla pali ra aitniki kan! ¡Baha mita, ai pruanka mana ba maikrika man nani aibapma! ¡Naha tasba wina mai diki mai sakamna!

1 King Nani 2:9

Ai pâtka swi tikpara. Man lika sinskira sma bara dîa witin wal daukaia lukma ba kat daukma. Sakuna trai kaiks ai prurika ba saura kabia.”

2 King Nani 11:1

Atalía Ocozías yaptika ba, ai luhpia ba pruan ba walan ba ra, witin buan bara king kiamka nani aiska sut iki tikan.

2 King Nani 11:16

bara ba mita baha nani witin ba alkan bara king watla ra aras nani dimaika bâk saki, bara baha kat ikan.

2 King Nani 11:20

bara naha tasbaya uplika nani aiska ba ai lilia brih banhwan. Bara tawanka ba lamni pali iwi kata, kan Atalía ba king watla bîla kat sord ni ikan kan ba mita.

2 Kronikas 33:24

Ai suldiar lalka nani yukuwan ra mapara kan, bara king watla kat witin ba ikan.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Impakan Sturka 20:13

“Man lâ luha upla ikpara.

Sins Lâka 28:17

Ya upla kum upla wala iki si plapi ba, plapi takaskbia apia witin sin raiti bilara aimakbia ba kat: ¡upla kumi sin baha takaskbiara!

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Libait Lâka 17:4

baha daiwra ba Dawan wal aisaia tintka watla ra brih waras ba prisantka kum yabaia tempel ra, witin baha tâlia laikan ba mana pâtkira kulkan kabia, baha tâwan witin ba upla nani tila wina mawan ba tikbia.

Libait Lâka 24:17

“Bara ya upla kum ikbia kaka, witin ba ikan kabia.

Kulki Kaikanka 35:16

“Upla kum bui upla wala ra ayan ni insauhkbia kaka, bara baha insauhkanka tâka mita uplika ba ban prubia kaka, baha uplika ba upla âikra kum kulkbia, bara upla ikan ba pruaia pâtka ra lakan kabia.

Kulki Kaikanka 35:25

Tawan uplika nani mita upla ikan ba wina dakbi sâkbia, bara upla ikan uplika ba, yaka kli yukuwi swak takaia tawanka ra yukuwaia sa. Bara upla ikan waitnika baha yukuwaia pliska ra kabia prîs tara ba prubia ba kat.

Kulki Kaikanka 35:33

“Upla âikra nani mita man nani iwaia sma tawanka lâka ba bahki sakaia apia sa; kan upla âikra ba tawan lâka sasauhkra sa; bamna upla âikra kum pura mana aibapaia lâka wala âpu sa.

Matiu 26:52

Bara Jisas witin ra win: —Sordkam ba kli watlika ra dingks. Kan ani uplika nani sordka ni aiklabi ba, sim sordka wal prubia.

Roman 13:4

Kan tasba wihtka nani ba Gâd warkka daukisa man ra yamni mai munaia dukiara. Sakuna man saura daukisma kaka, sibri kaia sma, kan tasba wihtka nani mita pâtkas lika klala maikbia apia. Witin nani Gâd warkka dauki ba mita, saura dauki nani ra klala yabisa, witin nani briaia praiska ba kat.

1 Korint 11:7

Waitna ba lika ai lal srukaia apia sa, kan witin ba lika Gâd lilka pali sa bara prana ba sin. Sakuna mairin ba lika waitna prana sa;

Kli Smalkanka 19:11

“Sakuna upla kum upla wala wal ai waihla sa bara nina bliki alki ikuya kaka, baha ningkara yukuwaia tawanka ra dimi yukuwbia kaka,

Kli Smalkanka 5:17

‘Man lâ luha upla ikpara.

Jems 3:9

Naha sim twisa ni, wan Aisika Dawan ra mayunisa, bara upla nani Gâd ai lilka kat paskan nani ba ra lahtubisa.

Param Marikanka 13:10

“Baha nani silak ra mangkaia kan ba silak ra brih wan kabia; bara ani uplika sord ni ikaia kan ba, sord ni ikan kabia.” Nahara kaikbia Gâd uplika kasakka lukan ba nahki bapi buaia ba sin.

Wihta Nani 9:56

Dawan mita baku dauki natka ra, Abimélec ai aisika watla uplika nani mapara bûi ai muihni nani 70 ikan yaba, tâlia mana ba munan aibapan.

1 Samuil 15:33

Sakuna Samuil witin ra win: —Man sordkam ni mairin ailal ra luhpias swiram sa. Bamna naiwa man mamikam sin luhpias takbia. Kau diara aisaras, Guilgal kat Dawan mawanra Agag ba klaki pîs pîs daukan.