Blasi Sturka 9:15 - DAWAN BÎLA AISKA

¹⁵ bara yang lâika daukri ba kupi kraukamni, man nani wal bara daiwan nani tasba ra ba wal sin. Kli lisamra tara laya nani ba balbia apia, baha nani sut sauhki tiki ba.

Blasi Sturka 9:15 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Blasi Sturka 9:10

Bara daiwan nani man wal ark watla wina bal taki banhram ba: tnawira nani, daiwan tim, daiwan wail nani, daiwan nani sut, tasba ra bâra ba wal sin daukisna.

Blasi Sturka 9:11

Yang lâika man nani wal ban kaia daukri ba, kli aihka lakamna apia: upla nani ba, daiwan nani, ba sin kli lisamra ni sauhki tikamna apia. Kli lisamra tara wala âpu kabia tasba ba sauhki tikaia wisi.”

Blasi Sturka 9:14

Yang tasba purara kasbrika nani ba yarka balbia ba ra, baha tilara yang kumaduriki ba sin marikan kabia;

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

Nihimaya 9:32

“Baku bamna wan Gâdka, Gâd tara sma ba, karnakira, sibrinkira sin, wal aisi lâ daukram ba alki brisma latwankam lâka tara ba wal, man mamwanra ban lulki swipara pât saura nani ailal pali wahwan ba wan kingka nani, wihtki nani, prîski nani, damiki nani bara man uplikam sut, Asiria kingka nani yua nani ba wina naiwa yua kat.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Impakan Sturka 28:12

Baha walpaya wâl ba, Eran lama prakaika pahpaya purara kabia, Israel luhpia nani nina ba. Baku Eran, Dawan mawanra baha nani nina ba brih wabia, bara Dawan baha nani ra ai kupia krauki kabia.

Jirimaya 14:21

¡Ninam ban yamni kulkan kaia ba tâwan wan lulki wan swipara; naha tawanka tara na ban saura kulkpara bahara man iwaikam pranakira bâra ba! ¡Yang nani wal lâ daukram ba kau luki bas, baha âmya tiwbiara!

Isikiel 16:60

Kuna yang lika kupi kraukamna, man wal lâ daukri ba, tiara katma piua ra; bara lâ raya ban kaia daukamni man wal.

Luk 1:72

wan damika nani ra sin umpira kaikbia, bara ai pramiska holikira witin nani wal daukan ba sin ai âuya tikbia apia.

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,