Blasi Sturka 9:1 - DAWAN BÎLA AISKA

¹ Gâd bui Noa ra bara ai luhpia nani ra naha bîla nani na aisi yamni munan: “Luhpiam nani ailal sahwi tasba na banhki dauks.

Blasi Sturka 9:1 ပူးပေါင်းရင်းမြစ်များ

Blasi Sturka 1:22

bara Gâd bui daiwan nani paskata ba ra yamni munan naha bîla nani wal: “Man nani sahwi ailal pali taki, kabu nani ba banhki dauks, bara tnawira nani sin sahwi ailal pali takan kabia tasba purara.”

Blasi Sturka 1:28

bara Gâd bui witin nani ra ai yamnika yabi, win: “Man nani luhpa ailal, ailal sahwi, bara tasba ba banhki dauki, witin nani purara karnika alks; tasba na banhki dauki, baha nani tâura aimaki bas; inska nani bara tnawira nani ba, bara daiwan nani tasba purara raswi tauki nani ba sin karnikam mununhtara taibi bri bas.”

Blasi Sturka 10:32

Baha uplika nani sut ba sika Noa luhpia nani, ai kiamka nani wina bara ai taya nani ailal takan ba; baha nani wina nisan nani ailal tasba ra bal takan. Lisamra tara luan ba ningkara tasba aiska ra yakaban, bara nisan sâtka ailal ba takan.

Blasi Sturka 2:3

Bara Gâd bui witin yu 7 wark daukan yua ba holikira kulkata, kan baha yua ba witin ris brin ai warkka aiska paskan ba wina.

Blasi Sturka 24:60

Bara witin nani naha bîla nani aisi Rebeca ra yamni win: “Âu, wan lakra mairin, ¡man milian ailal nani yaptika takma! ¡Man kiamkam nani ba, waihlam nani tawanka tara nani ba pura lubia!”

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Blasi Sturka 8:17

Daiwan nani sut man wal bâra ba: tnawira nani, ai biara purara tasba ra kwasi tauki nani ba, man sâks ark watla wina bara tasba pura bâk witin nani taki wabia; baku sahwi ailal taki tasba pura ba banhki dauki banhbia.”

Blasi Sturka 9:19

Baha nani yumhpa ba sika Noa luhpia waitna nani kan, bara witin nani yumhpa ba wina tasba ba kli upla ailal takan.

Blasi Sturka 9:2

Bara daiwan nani sut tasba aiska ra bâra ba man nani mamwanra tatatwi sibri kabia, tnawira nani pâli tauki nani ba sin, tasba purara tauki daiwra nani sin sîam kabia, bara kabu ra inska nani ba sut sin man nani mihtam ra mangkan sa.

Blasi Sturka 9:7

Sakuna man nani lika sahwi ailal taki bas, tasba ra kiamkam ailal saki bas, bara upla ailal taki banhs.”

Lawana Nani 112:1

¡Dawan ba mayunan kabia! Yamni pali sa baha waitnika, Dawan kulki nani ba, bara ai lâka bîla kat wali dauki ba.

Aiseya 51:2

man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.