Blasi Sturka 8:9 - DAWAN BÎLA AISKA

⁹ Bara butku ba, anira ai mina kahbaia watlika ba sakras kan, butku ba Noa ra kli tawi balan, kan lî nani ba tasba mawanra kau ban bâra kan bamna. Bara Noa ai mihta sakbi, butku ba alki brin, kli witin nani aikuki kaia mata ark watla ra dingkan.

Blasi Sturka 8:9 ပူးပေါင်းရင်းမြစ်များ

Blasi Sturka 8:10

Kau lapta 7 bîla kaikan, bara butku ba kli ark watla ba wina saki blikan wan.

Blasi Sturka 8:8

Kli witin butku kum saki blikan, tasba mawan ba wina lî nani ba sut lâwan sapa kaikaia.

Lawana Nani 116:7

Âu, nanara sip sni kli pain daira walaia, kan Dawan ba yang ra pain sa bamna,

Aiseya 60:8

¿Baha nani ba ya, kasbrika baku pali ba, butku nani ai watla durka ra dimaia pâli tauki baku ba?

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Kli Smalkanka 28:65

Bara baha nisanka nani tilara man nani iwi kama piua ra, âmyapah ris bri kama apia, kan Dawan mita sirang mai iki kabia ba mita, kupiam wirha sarkam brima bara namkra laya wal kama.