Blasi Sturka 8:21 - DAWAN BÎLA AISKA

²¹ Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Blasi Sturka 8:21 ပူးပေါင်းရင်းမြစ်များ

Blasi Sturka 3:17

Bara waitna ra sin win: —Man mayam bîla baikra wali bîla walram bamna, man ra mai wisatna baha dusa ba wina mâ pipara, sakuna man ban dusa ba wina mâ piram; bamna man tamka, tasba na lahtuban kabia. Rayakam yua nani sut sarkam lâka ra tasba wina patam saki pi kama.

Blasi Sturka 4:12

Man tasba ra insla daukma sin, witin ai karnika kli maikbia apia. Man plis kum ra sin iwaikam âpu, ban tringsar baku tasba ra yukuwi plapi baman watauki kama.

Blasi Sturka 5:29

bara ai nina ba Noa mâkan, bara win: “Kan Dawan mita tasba ba lahtuban bara wan mihta warkka karna nani yawan takbia mangki sakaia dukiara; sakuna naha tuktika baha pâtka wina pri wan sâkbia.”

Blasi Sturka 6:13

Bahamna Gâd Noa ra win: “Yang pat lukri sa, upla nani ba âpu daukaia; kan tasba ba lâ krikanka lâka ba ni banhwan sa, witin nani ai tâka ba mita. Bara nanara kaiks yang bui witin nani ba, tasba aiska aikuki sauhki tikamna.

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

Job 14:4

Upla kumi sin âpu sa diara tâski ba wina diara sunu sakaia.

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Lawana Nani 58:3

Upla watawikira nani ba, ai yapti biara ra ba wina saura daukisa, kuninkira nani ba, kau ai yapti biara wina aisubi takras ba ra, yabal wina aimawahkisa.

Lawana Nani 58:4

Piuta baku puisinkira sa, piuta puisinkira nani upla iki ba baku sa, witin sin sturi walras, ai kiama ba prakisa

Impakan Sturka 29:18

Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Impakan Sturka 29:25

Baha ningkara dukia nani ba, witin nani mihta wina saki altar ra suns, daiwan aiska angkaia wîna pliska ra swis, kîa yamni Dawan ra yabaia. Baha lika prisant kum Dawan ra yamni kulki yaban sa.

Sins Lâka 20:9

Upla kumi sin sip wiras: “Kupi na tâski âpu pali brisna, saurka sut pali wina yang sunu pali sna.”

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Aiseya 47:12

Nanara ban bâra kupiam yabaki bas, sukika lâka ailal pali ba sin ban dauki bas, baha nani tilara, man lan takram ba wahma kapram ba yua wina; ban kra baha nani tâm baikbia, waihlam nani ra sirang ikbia.

Aiseya 47:15

Bahara sukia nani brisma ba, witin nani naha baha kat takaskan baha nani wal rayakam ailal pali daukram ba. Witin nani kumi bani ai yabalka kat wan bara upla kumi sin âpu sa swaki mai sakaia.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Aiseya 65:6

Sakuna naha nani sut ba pat ulban bâra sa yang kaikisna, bara yang klaihkla kruski takaskamna apia; witin nani dîa briaia aitani ba yabaisna.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Jirimaya 18:12

Bara witin nani man ra mai wibia: ‘¡Man taimkam bahki tikpara! Yang nani nahki iwaia brin ai dauki ba baku iwaia brin ai daukisa, laila karna kupi lukanka saura ra luki tniwi kaia.’ ”

Jirimaya 8:6

Kiaima pri tniki aman pali wali katna, sakuna upla kumi sin watawika lâka dauki ba wina ai kupia laki rait ba aisaras, bara wiras: ¿Yang dîa daukatna ki? Sakuna kumi bani dîa saura dauki kan yabalka ba kat ban wan, war ra aiklabi araska ai tâ kat karna plapi auya ba baku.

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:17

Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Libait Lâka 26:31

tawankam ba slingbi swimna, aidulka tempelka nani ba yuyaka baman, kîa pain nani bri balma ba kiawalamna apia.

Libait Lâka 4:31

Bara daiwra ba wina batanka nani ba sut saki bribia, kli wal uplika wan sakaia sakripaiska daukaia, daiwra wîna batanka nani saki ba baku naha daiwra ba wina sin sâkbia, bara kîa pain Dawan kiawali ba dauki angkbia. Prîs ba baku daukbia, bara uplika saura daukan saurka pâtka ba ban swih tikbia, bara ai saurka daukan ba ban swih tikan kabia.

Libait Lâka 8:28

Moses kli baha pata nani ba witin nani mihta ra ba wina brih, bara altar purara suni wîna aiska angki prisantka Dawan ra yaban, kîa pain Dawan kiawali ba lâka kat angkan.

Kulki Kaikanka 15:3

bahara man nani bîp wainhka kum, sîp kum aikma, baha ba angki mayunra dauki aikaia dukiara, aiska angki kîa yamni aikbia. Bahara yang wal aisi lâ daukaia, baha sin kupiam aiska ni baku daukma, man nani yua tara lilia dauki aikisma ba piua ra.

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Jan 3:6

Upla wina aisubi takan ba, wan wîna sika; sakuna Spirit wina aisubi takan ba, spirit sika.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

Roman 3:23

upla sut saura yan bara Gâd mawan wina sin laihura takan.

2 Korint 2:15

Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

1 Samuil 26:19

Yang bui king ra puri sunisni, man albikam aisinka na wals: Dawan bui king ba yang maipara blikisa kaka, prisantka kum yabrika bribia kaka lilia kamna; sakuna waitna bui daukisa kaka, Dawan bui lahtubia. Kan nanara Dawan tasbaya wina saki ai lulkan, bara baku plaitukbisa gâd bahki nani dukia daukaia.