Blasi Sturka 7:23 - DAWAN BÎLA AISKA

²³ Baku sika tasba purara rayaka bri nani kan ba, sut sauhki tikan ba: upla nani, daiwan sâtka bani, ai biara purara kwasi nani ba, bara tnawira nani pâli ba sut, tasba wina baha nani âpu daukan. Bara Noa baman takaskan, daiwan nani witin wal ark watla ra diman kan nani ba sin takaskan.

Blasi Sturka 7:23 ပူးပေါင်းရင်းမြစ်များ

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

Blasi Sturka 8:18

Bara Noa bal takan, ai luhpia waitna, ai maya, ai mula yaptika nani aikuki.

Job 5:19

Kli kli pât wina dakbi mai saki kabia, bara ban saura ba swika ban man ra mai alkbia apia.

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Lawana Nani 91:7

1,000 kum smihkam ra prui tiwbia, aihkikam ra sin 10,000 prui tiwbia, sakuna man ra lika diara takbia apia.

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

1 Pita 3:20

Naha spiritka nani sika patitara piua ra bîla wali daukras kata ba, Noa ba arp watla paski kan ba ra, Gâd lika wihka takaski bîla kaiki kan. Baha bilara tila upla nani aimakan, sut ba ra upla 8 baman, lî mita swaki sakan ba.

2 Pita 2:5

Wan tasbaya almuk pali ra sin, Gâd mita swih tikras kan, sakuna lisamra tara blikan, bara baha uplika saura nani kan ba âpu daukan, kuna Noa bara kau upla 7 kira swaki sakan; Noa sika upla nani ra smalkan ai rayaka wapni bri kaia dukiara.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

2 Pita 3:6

Bamna lî bâk lisamra tara dingki, tasbaya almuk kata ba âpu daukan.