Blasi Sturka 7:21 - DAWAN BÎLA AISKA

²¹ Bara baku tasba purara ai rayaka bri kan nani ba, tnawira nani, daiwan tim nani, daiwan wail, daiwan ai biara purara kwasi tauki nani ba, bara upla nani sin sut pruan.

Blasi Sturka 7:21 ပူးပေါင်းရင်းမြစ်များ

Blasi Sturka 1:25

Gâd bui naha daiwra nani na paskan, bara kaikan baha sut ba yamni kan.

Blasi Sturka 6:13

Bahamna Gâd Noa ra win: “Yang pat lukri sa, upla nani ba âpu daukaia; kan tasba ba lâ krikanka lâka ba ni banhwan sa, witin nani ai tâka ba mita. Bara nanara kaiks yang bui witin nani ba, tasba aiska aikuki sauhki tikamna.

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

Blasi Sturka 7:4

Kan kau wik kumi ba bilka ra, yang yârika tasba purara, kakna yawanaiska wâl, tihmia yawanaiska wâl lî auhi kabia. Bara diara rayakira nani sut tasba ra bâra ba, diara nani sut tasba purara paski daukri ba âpu daukamni.”

Job 34:15

sut lika wal aikuki baku prui banhbia, bara kli tasba yuya takbia.

Aiseya 24:19

Tasba aiska ba nikban kabia, tasba aiska ba baikanka sirpi ra daukan kabia.

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Oseas 4:3

Baha daukanka nani ba mita, tasba ra upla nani sari tara brisa; tasba ra iwi nani ba sut karnika âpu takisa; unta ra daiwan nani ba aikuki, daiwan tnawa bri pali nani ba sin, bara inska nani kabu ra ba sin aikuki pruisa.

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

Sofonías 1:3

Upla, daiwan, piawira, bara inska nani sut sauhki tikamni, watawikira nani ba mina prukaika mangkamni bara tasba wina upla sut âpu daukamni.” Dawan naha kasak aisisa:

Matiu 24:39

bara witin nani ai dara walras kan, lisamra tara ba bal sut brih wan ba kat. Upla Luhpia Waitna balbia piua sim baku kabia.

Luk 17:27

Witin nani plun pi kan, diara di kan, marit taki kan, ai luhpia mairin nani sin marit saki kan, Noa ark watla ra aimakan piua ba kat; bamna lisamra balan ba ra, baha nani sut pruan.

Roman 8:20

Kan paskanka aiska ba diara bahki takan sa, bara baha ba witin nani yan baku takras, kuna Gâd mita baku kaia mangkan ba mita. Sakuna ai kainara bîla kaikaia lâka ba lika ban bâra kata,

Roman 8:22

Baha mita yawan kaikisa, paskanka aiska, Gâd paskan ba sut naiwa kat ban latwan bri ai mamna lulkisa, sim tuktan aisubi sakaia latwanka ba baku.

2 Pita 2:5

Wan tasbaya almuk pali ra sin, Gâd mita swih tikras kan, sakuna lisamra tara blikan, bara baha uplika saura nani kan ba âpu daukan, kuna Noa bara kau upla 7 kira swaki sakan; Noa sika upla nani ra smalkan ai rayaka wapni bri kaia dukiara.