Blasi Sturka 6:18 - DAWAN BÎLA AISKA

¹⁸ Ban sakuna, man wal lâika ba bapamni, bara ark watla ra man dimma, man luhpiam nani, mayam, bara luhpiam nani maya sin sut man wal dimbia.

Blasi Sturka 6:18 ပူးပေါင်းရင်းမြစ်များ

Blasi Sturka 17:21

Ban sakuna yang lâika ba Aisak wal daukamni, luhpiam waitna Sara baiki maikbia ba mani kum alkbia ba ra, mani wala naha piua praiska ra.

Blasi Sturka 17:4

—Naha lâka na yang bui man wal daukisna: Man lika nisan nani ailal pali aisika kama,

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 7:1

Baha ningkara Dawan Noa ra win: “Man, wamtla bîla uplika nani sut ark watla ra dims, kan naha piua uplika nani tilara, man baman kasakkira mai kaikisni.

Blasi Sturka 7:13

Baha yua ra Sem, Cam, Jafet, Noa luhpia nani kan ba, Noa, ai maya bara ai mula yaptika nani yumhpa kan ba sut aikuki, ark watla ra aimakan.

Blasi Sturka 7:7

Lisamra tara dingkan bara Noa ark watla ra diman, ai luhpia waitna nani, ai maya bara ai mula yaptika nani sut kira, lisamra tara wina swakwaia dukiara.

Aiseya 26:20

Impaks, yang upliki nani, wamtla rumka ra dims, durkam nani ba ninamra praks. Wirâ yukuwi bas, piua wiria lupia baman, Dawan kupia baiwanka ba lui wabia ba kat.

Hibru Nani 11:7

Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.

1 Pita 3:20

Naha spiritka nani sika patitara piua ra bîla wali daukras kata ba, Noa ba arp watla paski kan ba ra, Gâd lika wihka takaski bîla kaiki kan. Baha bilara tila upla nani aimakan, sut ba ra upla 8 baman, lî mita swaki sakan ba.

2 Pita 2:5

Wan tasbaya almuk pali ra sin, Gâd mita swih tikras kan, sakuna lisamra tara blikan, bara baha uplika saura nani kan ba âpu daukan, kuna Noa bara kau upla 7 kira swaki sakan; Noa sika upla nani ra smalkan ai rayaka wapni bri kaia dukiara.