Blasi Sturka 5:22 - DAWAN BÎLA AISKA

²² Bara Henoc Gâd wal wapan, Matusalén baikan ba ningkara 300 mani alkan ba ra ai luhpia waitna nani bara ai luhpia mairin nani baikan.

Blasi Sturka 5:22 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 24:40

Bara witin pana ai win: ‘Yang Dawan yabalka ra wataukisna, bamna witin mita ai insalka man wal blîkbia, bara impakankam ra yamni mai takbia, baku man luhpi maya kum pliki sâkma, yang aisiki taika nani ba tila wina.

Blasi Sturka 48:15

Bara witin naku aisi Josep ra ai yamnika yan: “Yang aisiki nani, Ebraham bara Aisak baha Gâdka ra bîla wali kan Gâdka ba, baha Gâdka yang aisubi takri yua ba wina naiwa kat main ai kaiki ai bri ba,

Blasi Sturka 5:21

Henoc ai rayaka yua nani ba 65 mani alkan ba ra ai luhpia Matusalén baikan.

Blasi Sturka 5:23

Bara Henoc ai rayaka yua nani sut tasba ra iwan ba 365 mani.

Blasi Sturka 5:24

Henoc Gâd wal wapan bara witin tauki kan ba wina yu kum ban lap tiwan, kan Gâd mita witin ba brih wan bamna.

Blasi Sturka 6:9

Naha sika Noa rayaka sturka ba: Noa sika waitna yamni pali kan, piua bani Gâd bîla wali dauki kan. Witin ai piua ra raya iwi kan waitnika nani sut tilara witin yakan baman Gâd kupia lâka kat dauki kan.

1 King Nani 2:4

Baku mika Dawan ai win bîla ba kat daukbia, witin bui yang ra ai win ba: ‘Man luhpiam nani yabalki ba alki bribia kaka, ai kupia aiska bara ai sulka aiska ni, baku ba ra taiya nani tilara diara luha kabia apia, Israel man iwaikam ra iwi kabia.’

2 King Nani 20:3

“Dawanki, yang mamkabisna man bui yang dukira kupiam krauks, kan yang sika man mamwanra kasak ba kat daukri kupi aiska kira ba wal, bara diara nani daukri ba sin man kupiam brinka kat daukri.” Bara Ezequías ba karna inan.

Lawana Nani 116:9

Yang Dawan bîla wali dauki kamni naha tasba aiska ra upla raya iwi ba tilara.

Lawana Nani 128:1

Lilia pali sma man, Dawan ra kulki, bîla wali daukisma ba.

Lawana Nani 16:8

Dawan ba yang laima kat brisni; witin ba yang mihti aihkika ra sa, bamna diara kumi sin yang purira yaka kauhbia apia.

Lawana Nani 26:11

Kuna yang rayaki ba kasak sa: ¡swaki ai sâks, kupiam swapnika ni umpira ai kaiks!

Lawana Nani 56:13

Kan man prura ba wina swaki ai sakram bamna, kan kauhaia kapri ba wina ai bukram, baku mika yang ba raya kaia ba tilara tauki kaia, Dawan mawanra.

Lawana Nani 86:11

Man Dawan, yabalkam ba ai mariks, bara yang baha yabalka ra kasak wapaia kupi ra mai kulkaia lâka ba sin brimni.

Impakan Sturka 16:4

Bara Dawan bui Moses ra win: —Yang pura wina lî auhi baku plun yakabaisna. Upla nani ba yu bani plun wahbaia taki wabia, yu aiska pata briaia praiska ba kat. Yang kaikan ai daukisa ya yang lâika bîla nani smalkanka ba kat daukbia ba, bara ya sin baku daukras kabia ba.

Yamni Kulki Lawana 1:4

¡Isti pali, yang na man wal ai brih was! ¡Alai, kingki, man wamtla bîla kat ai bri was! Yawan wal bahara uba lilia kabia; wal wan taya tasapi pulanka ba kau daukbia, wain ba wal. ¡Baku bamna, mairin nani mita uba pali mai kaiki ba!

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Libait Lâka 26:12

aima bani man nani tilamra watauki ban kamna, yang lika man Gâdkam sna, man nani lika yang upliki nani kama.

Emus 3:3

Upla wâl asla wapi ba tânka, ai lukanka kumi takras, witin wal lukra kumi sa bamna.

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Malaquía 2:6

Libai smalkanka tâski âpu kasakka tânka kat smalki kan. Yang wal wapni, kupia kumi lâka, upla ailal saura wina yamni ra lakan.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

1 Korint 7:17

Nahki kabia kra, kumi bani Dawan dîa yaban ba kat iwi kaia sa, bara Gâd mita paiwan bara witin nahki kan ba kat. Serts nani sut ra yang naku adar yabisna.

2 Korint 6:16

Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika, Gâd witin pali aisin ba baku: “Yang lika witin nani tilara iwamna bara sin taukamna; yang lika witin nani Gâdka kamna bara witin nani ba upliki nani kabia.”

Epesus 5:15

Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas.

Kli Smalkanka 13:4

Dawan Gâdkam ra baman mayuni asla witin ra iwi, ai nina bliki bas.

Kli Smalkanka 28:9

“Man nani ai lâka bîla kat dauki, ai yabalka nina blîkma kaka, Dawan Gâdkam ba tawan holikira baku witin ai dukiara ban alki mai bri kabia, swer mai munan ba baku.

Kli Smalkanka 5:33

Dawan Gâdkam yabal mamrikan ba baha nina blîks, yamni wama dukiara, mani ailal sin raya kama tasba man dukiam maikaia win ba ra.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 4:5

Pain tauki bas, kristian apia nani ba wal, bara piua brisma bani ba pain man nani yus muni bas.

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.