Blasi Sturka 49:4 - DAWAN BÎLA AISKA

⁴ Sakuna man baman tâura ban kama apia, man ba tingni kum lî aibanhwi takaskras ba baku sma. Yapaiki ba man mita swira daukram, yang mayi wala ba wal yapram ba ra.

Blasi Sturka 49:4 ပူးပေါင်းရင်းမြစ်များ

Blasi Sturka 35:22

Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan. Jekob luhpia nani sut ba ra 12 kan.

Blasi Sturka 46:8

Israel luhpia, Jekob kiamka nani Idsip ra aidrubi wan nani ba nina nani: Ruben, Jekob tawahkia ba.

1 Kronikas 5:1

Israel luhpia tawahkia, Ruben luhpia nani ba naha nani kata: Hanoc, Falú, Hesrón bara Carmí. Kasak pali Ruben ba tawahkia pali kata, ban sakuna tawahkia yamnika ba tikan witin ai aisika maya ra alki saura munan bamna, bara baha yamnika ba Josep luhpia nani ra ni yan, Israel luhpia wala kan ba. Ban sakuna, Juda ba ai muihni nani sut wal kau karnikira pali takan, bara witin wina wihta kum takan; sakuna tawahkia yamnika ba Josep dukia ni takan.

1 Korint 5:1

Bara nanara sturkam takan sa, man nani tilamra waitna kum bâra sa, witin ba ai aisika maya pali wal brisa. Naha lika rug lâka tara pali sa, bara nahmuna lâka na Gâd ra kakaira apia nani tilara sin yan sip daukras sa.

Kli Smalkanka 27:20

‘Ya ai papika mairka wal yapbia kaka, lahtuban kabia, kan baha ba kulkanka yaras sa.’ Bara upla sut wibia: ‘Baku kabia.’

Kli Smalkanka 33:6

Ruben dukiara aisin: “¡Ruben raya sa! ¡Prubia apia, ai uplika wiria baman kabia sin!”

Kli Smalkanka 5:21

‘Man uplikam maya mairin tumpara. Uplikam watla ba man wamtla baku brin mai daukbiara, nasla ba, ai albika waitna, ai albika mairin, ai bîpka wainhka, ai birikuka, diara wala nani sut ba man dukiam briaia brin mai daukbiara.’

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.

2 Pita 3:16

Ai wauhkataya nani sut ra naha diara nani tânka mai aisin sa, kum kum tânka briaia karna sa, bara sins aitani briras nani bara kasak lukan lâka mapara swapni nani ba mita lika warbi lakisa, ulbanka wala nani warbi laki ba baku, witin nani sut âpu takaia ba dukiara.