Blasi Sturka 48:12 - DAWAN BÎLA AISKA

¹² Josep tukta nani ba ai aisa plahpia wina sakan, bara ai aisika mawanra yaban tasba kat bawi ai lula krikan.

Blasi Sturka 48:12 ပူးပေါင်းရင်းမြစ်များ

Blasi Sturka 18:2

bara witin ai nakra buki kaikan waitna yumhpa ai mawanra bûi kan. Witin baha kaikan wal baku aihni pali tit bûi, bara witin nani mawanra tasba kat bawi lakula daukan.

Blasi Sturka 19:1

Tutni pat yu dimaia lamara, insal nani wâl ba Sodoma ra wan. Lot ba tawan getka lamara iwi kan, upla nani asla taki pliska ra. Bara Lot insal nani ba kaiki ai iwaika ba wina buan witin nani lakula daukaia. Witin ai mawan ra tasba kat bawan,

Blasi Sturka 23:7

Bara Ebraham iwi kan ba wina buan, bara hitita nani sut mawanra ai lal bawi, pain kulkan yabi lâka ra lakula tara kum yaban.

Blasi Sturka 33:3

Bara Jekob witin lika baha nani sut tâura aimaki wapan, bara tasba ra 7 taim ai lal makupi kangbi wapi kan, ban ai muihni lamara wan ba kat.

Blasi Sturka 42:6

Josep baha tasbaya wihtka mangkan kan bamna, tasba wala uplika nani sut ba witin ra baman waia kan plun atki briaia. Bara Josep muihnika nani sin witin ai mawanra waia kan. Witin ai mawanra sut tasba kat ai lal makupi ai lakula daukan.

Blasi Sturka 48:11

Baha ningkara witin kli Josep ra tawi aisin: —Yang lika man ba kli mai kaikaia lika lukras kapri, ban sakuna, naiwa Gâd bui man luhpiam nani ba sin mairikisa.

Blasi Sturka 48:13

Baha ningkara witin kli Efraín ai mihta aihkika ra alki bara Manasés sin ai mihta smihka ra alki bara ai aisa mawanra wih buan. Bara baku Efraín ba Israel smihka ra kan, bara Manasés ba ai aihkika tani ra kata.

1 King Nani 2:19

Betsabé king Salaman ra balan Adonías dukiara aisaia, bara king ba buan witin ba wal prawaia. Bara sin ai lal makupan ningkara, ai king iwaika ra kli iwan. Bara adar yan ai yaptika ra iwaika tara kum sal yabia, bara mihta aihkika tani ra Betsabé iwan.

2 King Nani 4:37

Bara mairin ba Ilaidsa mina ra kauhan ai mawan tasba ra makupi; ningkara ai luhpia brih rumka bîla wina mahka taki wan.

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Impakan Sturka 34:8

Moses baha wali, ai mawan ba tasba kat bri si prakan, bara Dawan ra ai pura suni mayunan:

Sins Lâka 31:28

Ai luhpia nani, ai maya waitna ba sin witin ra mayuni wisa:

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Libait Lâka 19:32

“Upla almuk mawanra, wapni bûi lakula wis. Dawan ra kulki ba tânka ba mariks. Yang sika Dawan.

Epesus 6:1

Tuktan nani, man nani aisikam bara yaptikam wal bîla wali daukaia sma, Dawan latwanka lâka ba mita.