Blasi Sturka 46:3 - DAWAN BÎLA AISKA

³ Bamna Gâd bila: —Yang na Gâd, man aisikam Gâdka ba. Man Idsip ra waia si bripara, bahara man kiamkam ba nisan tara daukamni.

Blasi Sturka 46:3 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 15:13

Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 18:18

kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna.

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Blasi Sturka 47:27

Israel luhpia nani Idsip tasbaya ra takaski bâra iwan. Gosen tasbaya ba witin nani ai tasbaya brin, bara bahara sahwi upla ailal pali takan.

Blasi Sturka 48:16

bara insalka diara saura nani sut yang ra aula ba wina swaki ai saki ba, witin nani ba mita naha tukta nani ra yamni munbia. Tukta nani na tâka mita yang nini ba upla sut kau ban luki kabia, yang aisiki nani Ebraham, Aisak nina ba sin, witin nani ai luhpia nani ailal bribia bara tasba ra daknika tara nani takbia.”

Blasi Sturka 48:19

Sakuna ai aisika ba baku daukaia brin daukras kan, bara pana witin ra win: —Luhpi, yang pat kaikisni, almukka ba yang kaikisna. Manasés sin tara kulkan kabia bara nisan tara takbia. Ban sakuna, Efraín kau ai ningka ba kau tara pali kabia, witin ai kiamka ba wina nisan nani kau ailal takbia.

Impakan Sturka 1:12

Ban sakuna, Israel luhpia nani ra kau saura muni, kau ni ailal taki kan. Bamna Idsip uplika nani ba, witin nani ra sibri bri kan.

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Jirimaya 40:9

Guedalías swer taki witin nani ra sturi kasak ba aisin: “Man nani Caldea uplika nani ra bawaia si briaia apia sma. Man nani kuntrika ra bas, bara Babilon kingka lâka ra iwi bas, bara diara sut man nani ra yamni kabia.

Apastil Nani Sturka 27:24

Bara insal ba naku ai win: ‘Si bripara, Pal, kan man Rom kingka tara mawanra buaia kama, bara man tamka mita Dawan naha uplika nani aikuki duri ra sma na, sut swaki sâkbia prura wina.’

Apastil Nani Sturka 7:17

“Gâd bui Ebraham ra swer taki kira pramis munan yua ba pat aimakaia man kan ba ra, Israel nisanka ba Idsip ra ailal pali sahwan kan.

Kli Smalkanka 1:10

Dawan Gâdkam, luhpa nani ailal pali maikan, nanara man nani upla ailal pali sma, slilma ailalka nani baku.

Kli Smalkanka 10:22

Damikam nani Idsip ra wan piua ra 70 upla baman wan, sakuna nanara lika Dawan bui ailal daukan, kasbrika ra slilma nani ba baku.

Kli Smalkanka 26:5

Bara Dawan Gâd lamara mai kaiki ba ra naku param aisama: ‘Damiki nani ba dakni sirpi, Aram uplika nani impapakra kan, Idsip ra diman ai pliska brih iwan, baha ningkara nisan tara kum, karnakira bara ailal sin sahwan.