Blasi Sturka 43:8 - DAWAN BÎLA AISKA

⁸ Juda ai papika Israel ra win: —Yawan raya kaia brin mai daukisa kaka, muihki sirpi ba yang nani wal blîks. Yang bui witin ba main kaiki kama. Bara yang nani mahka Idsip ra wamna. Baku lika man, yang nani bara wan luhpia nani sin prubia apia.

Blasi Sturka 43:8 ပူးပေါင်းရင်းမြစ်များ

Blasi Sturka 42:2

Upla nani yang ra ai win Idsip ra lika plun bâra sa. Man nani bus bara was Idsip ra, baha wina plun atki bal, baku yawan kau ban raya kabia.”

Blasi Sturka 42:38

Sakuna Jekob witin nani ra win: —Yang luhpi man nani wal wabia apia. Ai muihni Josep pat pruan, kau witin baman yang wal sa. Yabal ra diara saura kum witin ai mapara daukbia kaka, man nani ba pâtkira kama yang dama takri na, sari lâka tara bri ban pruamna ba ra.

Blasi Sturka 44:20

Bara yang nani pana mai wîri, âu yang nani aisiki almuk kumi brisna bara muihki sirpi sin kum kau bâra sa, yang nani papiki almuk pali takan ra muihki lupia ba baikan. Yang nani sin mai wîri papiki ai plasni ba latwan pali sa, yapti kumi luhpia nani ba tila wina kau witin baman kumi ai lamara bri ba mita, kan baha plasni kankika ba sika pat pruan bamna.

Blasi Sturka 44:26

sakuna yang nani pana wîri: ‘Yang nani sip wamna apia, muihki sirpi ba sin yang nani aikuki blîkma kaka lika. Witin ba yang nani wal waras sa kaka, baha waitnika mawan ba yang nani sip kaikamna apia.’

Blasi Sturka 45:19

Bara muihkam nani ra sin wis, Idsip wina wagin nani blikaisna, mairin nani ba tuktan nani bara man nani aisikam ba sin suni bri balaia dukiara. Bamna wis witin nani balbia.

Blasi Sturka 50:21

Bamna nanara man nani si bripara, man nani sut, luhpiam nani sut sin ban plun maiki kamna. Baku Josep latwan lâka ni ai muihni nani maisa nihki kupia lilia daukan.

Blasi Sturka 50:8

Jekob taika nani, Josep taika nani bara muihnika nani sin sut witin aikuki wan. Gosen tasbaya ra tuktan bara daiwan nani baman takaskan.

2 King Nani 7:13

Sakuna wihtka tara nani tila ba wina kum naku aisin: —Kaisa aras nani matsip kau takaskan ba brih, yawan upla nani blikaia, witin nani kaikbia dîa pali takisa sapa, upla nani ba raya sa sapa, apia kaka prui banhwi sapa. Kan baha nani trabilka ba bara yawan Israel luhpia nani nâra takaskan na wal kumi sa bamna.

2 King Nani 7:4

Ban kra yawan tawan ra dimi waia munbia sin, plun bla prubia; nâra iwi kabia sin pruaia ban sa. Baku bamna, kaisa nanara, Siria uplika nani kiampka ra waia. Bara witin nani wan pâtka swih tikbia kaka, yawan raya kabia, baku sin wan ikbia kaka sin prubia sika.

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Lawana Nani 118:17

¡Baha mita pruamna apia, sakuna ban raya kamna Dawan dîa daukan ba upla ra wiaia!

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Kulki Kaikanka 14:31

Sakuna man nani luhpiam nani ba, baha nani waihla ba mihta ra kauhbia aisi banhwatma ba, yang bui witin nani ba yarka baha tasbaya ra dimbia. Bara witin nani baha tasbaya ra liliaka ba bribia, man nani mita kulkras sma ba.

Kli Smalkanka 33:6

Ruben dukiara aisin: “¡Ruben raya sa! ¡Prubia apia, ai uplika wiria baman kabia sin!”