Blasi Sturka 43:5 - DAWAN BÎLA AISKA

⁵ sakuna man bui witin ba blikras sma kaka, yang nani sin wamna apia. Waitnika ba yang nani ra ai win: ‘Man nani muihkam sirpi ba nâra bri balras sma kaka, man nani sin yang maiwanra balpara.’

Blasi Sturka 43:5 ပူးပေါင်းရင်းမြစ်များ

Blasi Sturka 42:15

Man nani aisisma ba tânka nanara yawan pliki kaikbia: king fero nina mâki man nani ra swer taki mai wisna, man nani naha wina taki wama apia, muihkam sirpi ba nâra bri balma ba kat.

Blasi Sturka 42:20

Bara baha ningkara man nani muihkam sirpi ba yang ra bri bal, bara baku yang nani kaikamna man nani sturi rait aisisma ba. Baha daukras sma kaka, man nani pruma. Bara baku daukaia witin nani âu win.

Blasi Sturka 42:38

Sakuna Jekob witin nani ra win: —Yang luhpi man nani wal wabia apia. Ai muihni Josep pat pruan, kau witin baman yang wal sa. Yabal ra diara saura kum witin ai mapara daukbia kaka, man nani ba pâtkira kama yang dama takri na, sari lâka tara bri ban pruamna ba ra.

Blasi Sturka 43:3

Bara Juda ai papika ra win: —Aisiki, baha waitnika yang nani ra param pali ai win: ‘Man nani muihkam sirpi ba nâra bri balras kama kaka, man nani sin yang maiwanra balpara.’

Blasi Sturka 43:4

Baku bamna, witin ba yang nani wal blîkma kaka lika, yang nani patam atkaia wamna;

Blasi Sturka 43:6

Bara Israel bila naku win: —¿Dîa kan man nani ban saura ai munisma? ¿Dîa muni man nani waitnika ba ra wiram muihkam wala brisma ba?

Blasi Sturka 44:23

Sakuna man pana wan wiram, muihki sirpi ba bri balras sna kaka, yang nani mamwanra ai kaikaia apia wiram.

Blasi Sturka 44:25

Bara aisiki yang nani ra ai win: ‘Man nani kli plawar atkaia was’;

Blasi Sturka 44:26

sakuna yang nani pana wîri: ‘Yang nani sip wamna apia, muihki sirpi ba sin yang nani aikuki blîkma kaka lika. Witin ba yang nani wal waras sa kaka, baha waitnika mawan ba yang nani sip kaikamna apia.’

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.