Blasi Sturka 41:8 - DAWAN BÎLA AISKA

⁸ Bara yu baiwan titan ra, witin baha kaikan ba dukiara luki kasak ai kupia wal aisi kan. Bara adar yaban Idsip ra bahmuna diara kakaira sinskira nani bâra ba sut paiwi bri balaia. Sinskira nani ba balan, bara king fero witin yaprisauhkan kaikan ba tânka sut baha nani ra win. Sakuna witin nani tila wina kumi sin sip yaprisauhkan kaikan tânka ba laki param saki sip wiras kan.

Blasi Sturka 41:8 ပူးပေါင်းရင်းမြစ်များ

Blasi Sturka 40:6

Titan ra Josep witin nani ba kaikaia balan ba ra, kaikan witin nani wâlsut bâra iwi ai kupia wal aisi kan.

Blasi Sturka 40:8

Witin nani pana witin ra win: —Yang nani yaprisauhkan kum kaiki banhri, sakuna tânka ba laki wan wiaia upla âpu bara baha luki sari sna. Josep witin nani ra makabi walan: —¿Dîa, Gâd bâra sa apia baha tânka nani ba param saki wan wiaia? Bamna man nani yaprisauhkan ra dîa kaikram ba ai wis.

Blasi Sturka 41:15

Bara king fero Josep ra win: —Yang yaprisauhkan kum kaikri, sakuna baha tânka ba upla kumi sin sip param saki ai wiras. Sakuna man dukiamra yang walri, yaprisauhkan sturka mai wisa bara man baha tânka ba param saki wisma.

Blasi Sturka 41:24

Bara baha plawar mâ lâwan sirpi lupia ba mita mâ 7 tilwan painkira kat ba langki pin. Naha sturka na yang diara tânka kakaira nani ra wîri, sakuna witin nani kumi sin tânka ba param saki ai wiras sa.

Blasi Sturka 41:7

Naha nani ba mita plawar mâ dusa tilwan painkira kata langki pin. King fero baha kaiki kli kupia tanh krawan, bara ai dara walan witin yaprisauhkan kaikan ba.

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Impakan Sturka 7:11

Bara king fero ai uplika sinskira tara bara sukia nani ba sut paiwi bri balan, bara baha nani sin Eran daukan ba baku daukata.

Impakan Sturka 7:22

Ban sakuna, Idsip sukika nani sin baku daukan, witin nani diara aihka daukaia sinska bri ba wal. Bahamna, king fero ai kupia ban kau karna dauki kan: Moses bara Eran wal aisi ba bahki pali kulki kan, Dawan mita witin nani ra win ba baku.

Impakan Sturka 8:7

Ban sakuna, Idsip sukika nani mita sin Eran daukata baku daukan, witin nani diara aihka daukaia sinska bri ba wal. Bara witin nani mita sin pikpik nani Idsip tasbaya purara bri balan.

Impakan Sturka 9:11

Nanara sukia nani kata ba sip Moses bara Eran wal mapara buras kan, witin nani sin Idsip uplika wala nani wal baku yukri nani mita ai taya sukwi kan bamna.

Aiseya 19:3

Idsip uplika nani lukanka ba lap tiwaia daukamna, dîa daukaia luki dauki ba sut sauhkamni. Bara witin nani aidul nani ra makabi walbia, sukia nani ra sin, pruan nani piritka ra sin, smaya kakaira nani ra sin.

Aiseya 29:14

Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 8:19

Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Daniel 1:20

Sins lâka nani sut bara diara tânka kaikaia lâka sut, king dukiara witin nani ra makabi walan, bara kaikan witin nani aima matawalsip prais kau sinskira kan ai kingka tasbaya ra âiulbra nani bara smaya kakaira nani sut ba wal.

Daniel 4:18

“Naha yaprisauhkanka sika, yang, king Nabucodonosor, kaikri ba. Bara nanara, Beltsasar, yaprisauhkanka tânka ba ai wis; tasbayi ra sinskira nani ba kumi sin tânka briras sa, sakuna man lika sip sma tânka ba wan wiaia, kan man wal sa Gâd holikira Laih Purara iwi ba spiritka ba.

Daniel 4:19

“Bara Daniel nina wala Beltsasar ba ban tâ iwan sâp taki luki kan, ai lukanka ra turban pali muni kata. Sakuna king bui aisi, win: ‘Beltsasar, kupiam ra turban pali takpara yaprisauhkan ba dukiara bara ai tânka ba dukiara sin.’ Beltsasar bui pana aisi, win: ‘Alai, king yaprisauhkankam ba waihlam nani ba dukia sa baha nani man ra misbara mai kaiki nani ba.

Daniel 4:5

sakuna tihmia kumi krikriki ra yapi katna ba ra, yaprisauhkan kum aihka kaikri, sibrin ai daukan bara luki kaikri, diara aihka kaikri ba mita.

Daniel 4:6

Bamna adar yabri, Babilon aiska ra sinskira nani sut ba yang ra balaia, bara yaprikisauhkan tânka ba ai wiaia.

Daniel 4:7

Witin nani balan, sinskira nani, diara kakaira nani, sins lâka kakaira nani, bara slilma tânka plaplikra nani Babilon ra, bara yaprikisauhkan kaikri ba wîri, sakuna witin nani sip tânka ba ai wiras kan.

Daniel 5:11

Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

Daniel 7:28

“Naha kat bîla nani ba prakisa. Bara yang Daniel kupi uya pali turban kata, ban sin maiwan ba pihni pali takri kata, sakuna naha diara kaikri ba dukiara upla kumi ra sin wiras kupi ra ban bri katna.”

Daniel 8:27

“Yang Daniel, daihra walri karnika âpu baku kapri, bara yu ailal siknis kapri. Baha ningkara mahka buri bara king dukia daukaia kapri ba mahka daukri. Sakuna kupi ra uya turban pali bri katna, baha diara aihka kaikri ba dukiara, kan baha sip tânka ba briras kapri.

Libait Lâka 19:31

“Pirit saura wal aisi, yapi kaiki uplika ra man nani wapara, witin wal aisi tâski takmara sîa. Yang sika man nani Dawan Gâdkam.

Libait Lâka 20:6

Upla kum pirit saura wal aisi yapi kaiki uplika nina bliki saura taki ba, yang baha uplika ba mapara kamna, bamna tawan wina bara ai uplika nani tila wina sakamna.

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Matiu 2:1

Jisas ba Judia tasbaya ra tawan kum nina Betlehem wi ba ra aisubi takan. Baha piua ra Herod lika baha kuntri kingka aimaki kan. Bamna laih lalma wina Jerusalem tawanka ra waitna sinskira nani balan,

Apastil Nani Sturka 17:18

Upla nani kum kum Epicuro smalkanka stadi muni kan ba bara wala nani Zenón smalkanka stadi muni kan ba sut witin wal mahka blahwan. Tila nani bila: —¿Naha waitnika sturi aisasara pali na, dîa sip sa ki wan wiaia? Wala nani bila: —Gâd wala nani smasmalkrika talia sa. Witin nani naku aisi kata, kan Pal lika aisi kan Jisas dukiara, witinka pruan wina kli buan ba dukiara sin.

Apastil Nani Sturka 7:22

Baha mita Moses ra Idsip sinska lâka nani sut ba smalkan kata, bamna witin lika sinskira bara diara daukaia sin karnika bri kan.

1 Korint 1:19

Kan Ulbanka ra wisa: “Sinskira nani sinska lâka ba yang bui sauhki tikamna, bara tânka kakaira nani tânka lâka ba tnaya ra laki swimna.”

1 Samuil 6:2

Bara filisteo nani bui ai prîska nani bara diara tânka kakaira nani sut paiwan, witin nani ra makabi walaia: —¿Yang nani dîa daukamna Gâd lâka auhbaika watla ba wal? Wan wis, nahki dauki kli watlika ra bri si swiaia.