Blasi Sturka 41:42 - DAWAN BÎLA AISKA

⁴² king fero ai mihta wina king mihtadingka king sîlka prakan bri ba daiki saki, witin mita Josep mihta ra dingkan. Bara ai uplika nani ra win, linin kwalka kau painkira ni sipan prâka ba ni Josep ra yaka dimbia, bara ai nana ra sin gul lilurka kum mangkbia win.

Blasi Sturka 41:42 ပူးပေါင်းရင်းမြစ်များ

Blasi Sturka 38:18

Juda witin ra makabi walan: —¿Dîa dukia nanara yang mihtam ra swimna brin mai daukisa? Mairin ba pana win: —Sîl ba awa wal ban aik, bara kînkam ba sin. Bara makaban dukia nani ba, Juda witin ra yabi si, mairka ba wal yapan, bara mairin ba kwihra tiwan.

Blasi Sturka 41:43

Baha sut daukan ba ningkara, king ulaika wagin wala kum bâra kan ba win baha saki bri balan, bara baha purara Josep yaban iwan bara king bila win, upla nani ai tâura wapi ai pura wini aisabia: “¡Man nani yabal ba param dauks!” Baku dauki Josep ba Idsip tasbaya aiska mawanra wihta tara mangkan.

Ester 10:3

Bara Ju waitna Mardoqueo ba, king ba wina ningkika ba, witin ba tâ bri kan diara sut. Witin ba Ju nani tilara upla tara kulkan kan, ai tawanka uplika nani mita latwanka bara ai uplika nani yamnika dukiara diara manis daukan bamna, bara sin ai kiamka nani yamnika dukiara trabil takan.

Ester 3:10

Bara king ba ai mihtadingka ba daiki, Amán Ju nani waihla ra yaban,

Ester 3:12

Yua 13, kati pas manka ra, king suliarka nani ba paiwan; bara Amán adar yan ba ulban, tawan lalka bani ra bara wala nani ra sin blikan wan. Wihtka bani, tawan bani ai ulbanka natka kat, bara ai bîla aisi ba kat sin ulbi blikan; bara king Asuero ai nina bara king sîlka sin mangki blikan.

Ester 8:10

Bara king Asuero nina ra ulbi bara king sîlka ba sin wal praki wauhtaya ailal blikan wan, king araska plaplapra nani ba wal.

Ester 8:15

Bara Mardoqueo ba king watla ba wina, king kwalka mapla sangni bara pihni wal dimi taki wan; baha purkara sin, kraun gul wal daukan kum bara kwala mapla linin kumi sin pami brih taki wan. Bamna Susa tawanka aiska ba lilia tara pali brin,

Ester 8:2

Bara king mita Amán mihta wina mihtadingka sakan ba, Mardoqueo ra laki yaban; ba purkara sin, Mardoqueo ra Ester mita Amán watla kan ba pura kaikaia mangkan.

Ester 8:8

Bamna man nani wauhkataya kum ulbaia adar maikisni, yang nini ra, Ju nani hilpka dukiara, nahki ulbrika kau yamni kabia lukisma kaka baku uls. ¡Bara wauhkataya nani ba ra king sîlka ba sin mangki banhs! (Bara ani yua ra king nina ra bara sin king sîlka ba wal praki ulbanka kumi blikisa kaka, upla kumi sin baha ba lulkbia apia.)

Lawana Nani 73:6

Bahamna, witin nani prautka lâka ba, ai nana ra lilura baku paman sa; upla ra saura munaia lâka ba, ai prâka baku diman sa.

Sins Lâka 1:9

Kan man mampara prana kum painkira kabia: Sim lilura awa kum, apia kaka kraun kum baku.

Sins Lâka 31:22

Witin krikri ra palkaia kwalka twakni ai mihta ni paskisa, bara kwala kau painkira ba ni ai prâka brih dimisa.

Sins Lâka 31:24

Mairka ba dimaia kwalka tara nani paskisa, wan maisa wila nani sin, bara diara wauhi âiatkra nani ra atkisa.

Yamni Kulki Lawana 1:10

¡Mamwan lupia nani ba painkira pali sa, kiamam lula nani lilapas ra! Namna ba sin pranakira pali sa, walpa manakira lilurka nani prana nani sakahkan tilara.

Yamni Kulki Lawana 4:9

Yang kupi na implikram, yang laikra lupia, yang wal kut taki mairka; yang kupi na implikram, ai kaikram ba wal baman ni, namna ra lilura kiwka brisma ba awa kum wal.

Aiseya 3:23

wan mawan kaikaia glaska nani, linin painkira, prâk pura dimaika nani ba, bara mawan pura prakaika nani sin âpu daukbia.

Jirimaya 52:33

Baku daukan ba mita, Joaquín silak watla ra dimi kan prâka ba daikaia sans brin, bara king lamara iwi piaia, witin kau raya kan yua nani ba sut.

Isikiel 27:7

Duri wakaia dusa ba, Idsip wina wahmuk kwalka maman kan; plakin baku bri katma. Pura bika kwalka ba balianta bara pauni kata, Elisá kabuka un wina brih balan ba.

Daniel 5:16

Ban sakuna, walri man sip sma twisa sât wala aisi ba lakaia, bara diara karna nani sin wapni ra laki mangkaia. Bamna man sip sma kaka baha bîla nani ba aisi kaiki, bara ai tânka nani ba sin ai wima kaka, yarka kwala balianta ba mai dingkan kaia, namna ra sin gul ni daukan sînka ba mangkan kabia, bara yang, king aimakisna tasbaya purara, karnika alki ba yumhpika ba man kama.

Daniel 5:29

Baha ningkara, king Belsasar bui win Daniel ba kwala balianta nani wal dingkan kabia, ai nana ra sin mangkbia gul ni awa daukan ba, bara sin maisa pakan baha pali piua ra, Daniel ba ai king tasbaya ra karnika alki ba tilara yumhpika ba kabia.

Daniel 5:7

Ningkara ai bîla baikra tara winan, diara kakaira nani, sins lâka kakaira nani, bara slilma tânka plaplikra nani Babilon ra banhwi ba sut paiwaia, bara witin nani ra win: —Bahara ulban ba ya aisi kaiki bara tânka saki ai wibia ba, kwalka balianta ba yaka dimbia, ai nana ra gul ni paskan sînka kum bri kabia bara yang, king aimakisna ba iwaika ra, karnika yumhpika ba witin alki kabia.

Luk 15:22

Sakuna aisa ba ai albika nani ra wisata: ‘Aihni muns bara prâk kau pain pali ba saki bri sal dingks; mihtadingka sin kum ai mihta ra dingks, sûs sin ai mina nani ra.

1 Samuil 18:4

Baha purkara, Janatan ai prâka tara ba bara mununhtara dimi kan kwalka ba sin daiki Debit ra yan, pantamangka, ai maisa wilkaika, ai sordka nani ba sin.