Blasi Sturka 41:38 - DAWAN BÎLA AISKA

³⁸ Bara king fero ai uplika nani ra naku makabi walan: —¿Yawan sip sa ki waitna wala nâra pliki sakaia naha waitnika na baku, Gâd Spiritka bri ba?

Blasi Sturka 41:38 ပူးပေါင်းရင်းမြစ်များ

Blasi Sturka 41:37

Wark daukaia tânka Josep aisin ba king fero yamni walan, wihta tara nani ba sin baku daukaia aitani lukan.

Esdras 7:25

“Bara man, Esdras, Gâdkam ai sinska lâka dîa man ra maikan ba kat, tawan ra wihta sirpi nani bara wihta tara nani sin mangks, sins lâka wal Éufrates awala muna tani ra upla nani ba sut pura kaiki kabia, baha nani sut man Gâdkam lâka kakaira nani ba, bara tânka briras nani ba sin sut man bui witin nani ra smalki mariks.

Job 32:8

Kasak pali sika, upla sut ba diara tânka kaikaia lâka ba brisa kuna, Gâd karnika sut bri ba mita ai spiritka ba yan sa.

Sins Lâka 14:35

Dukia dadaukra sip nani ba, king yamnika lâka ba brisa, sakuna sipapira nani ba kupia baikanka ni brisa.

Sins Lâka 22:29

Ya ai warkka pain daukisa kaka, king dukia dadaukra kabia; bara upla bahki dukia dadaukra kabia apia.

Aiseya 19:11

¡Kasak pali Saion ra, wihta nani, man nani bâra sma ba, sinskas banhwisma ba; Idsip ra Lâ Smasmalkra nani kau sinskira bâra ba, baha smasmalkra ba kau sinskas sa! ¿Nahki muni man nani king fero ra wima: “Yang nani lika sinskira nani kiamka, blasi kingka nani luhpia sna”?

Daniel 4:18

“Naha yaprisauhkanka sika, yang, king Nabucodonosor, kaikri ba. Bara nanara, Beltsasar, yaprisauhkanka tânka ba ai wis; tasbayi ra sinskira nani ba kumi sin tânka briras sa, sakuna man lika sip sma tânka ba wan wiaia, kan man wal sa Gâd holikira Laih Purara iwi ba spiritka ba.

Daniel 4:6

Bamna adar yabri, Babilon aiska ra sinskira nani sut ba yang ra balaia, bara yaprikisauhkan tânka ba ai wiaia.

Daniel 5:11

Man kingkam tasbaya ra waitna kumi bâra sa, Gâd holikira spiritka ba witin wal sa. Bamna man aisikam king aimaki kan piua ra, baha waitnika ba bui marikan kata nahki witin ai sinska lâka tânka ba, witin ba sinskira, diara tânka kakaira pali sa, dawan nani ba baku. Baha mita, man aisikam king Nabucodonosor, baha waitnika sinskira nani, sins lâka kakaira nani, bara slilma tânka plaplikra nani, baha tasbaya ra ba sut lalka mangkan kata.

Daniel 5:14

Upla ai win, Gâd spiritka ba man brisma, man sin sins yamnikira pali brisma, man ba sin âuya mâira bara diara tânka kakaira pali sma.

Daniel 6:3

Daniel ra sika upla sut bui aitani kulkan kata pura kakaira wala nani bara tasba pîska bani wihtka nani sut ba purkara kaia, kan witin ba sip pali kan ba mita. Bara king bui sin ai tasbaya aiska lalka mangkaia lukan.

Daniel 6:4

Bamna pura kakaira nani bara wihta nani bui yabal kum plikan Daniel ba dahra kwahkaia, baha king tasbaya lâka kulkanka ba wal, ban sakuna Daniel ba waitna yamni kan ba mita, witin ra watawanka kumi sin sakras kan, baha mita dahra kwahkaia dukia diara kumi sin sip sakras kan.

Kulki Kaikanka 27:18

Bara Dawan bui Moses ra win: —Jasua Nun luhpia ba lika, spirit bri waitnika sa. Witin ba bris bara lal ra mihtam kahs.