Blasi Sturka 40:22 - DAWAN BÎLA AISKA

²² Sakuna brit âiangkra waitna ba lika langki ikaia blikan. Josep mita ai yaprisauhkanka kaikan tânka saki win ba kat takan.

Blasi Sturka 40:22 ပူးပေါင်းရင်းမြစ်များ

Blasi Sturka 40:1

Baha diara nani taki luan ba ningkara, wain glas ra lalaikra ba, king watla bilara king glaska ra wain laiki yabi kan pura kakaira waitnika ba, bara brit âiangkra nani pura kakaira ba, witin nani wâlsut ai dawanka Idsip kingka ba mapara kupia sauhkan.

Blasi Sturka 40:19

Bara yu yumhpa ba bilka ra, king fero man wauhkamtaya nani ba sin saki laki kaikbia dîa tâwan silak ra mai mangkan ba, bara witin adar yabia dus ra mai langki mai ikaia, bara tnawira nani bal mai pibia.

Blasi Sturka 40:8

Witin nani pana witin ra win: —Yang nani yaprisauhkan kum kaiki banhri, sakuna tânka ba laki wan wiaia upla âpu bara baha luki sari sna. Josep witin nani ra makabi walan: —¿Dîa, Gâd bâra sa apia baha tânka nani ba param saki wan wiaia? Bamna man nani yaprisauhkan ra dîa kaikram ba ai wis.

Blasi Sturka 41:16

Josep pana king fero ra win: —Baha tânka saki mai wiaia ba lika yang apia sika, sakuna Gâd mita baha tânka ba king ra param saki wibia, king ra yamnika kum kaia dukiara.

Ester 7:10

Bara Amán ba baku langki ikan, Mardoqueo ra langki ikaia wisi paskan kan ba dusa ra. Bâra lika king kupia sauhkanka ba lamni takan.

Jirimaya 23:28

¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Daniel 2:30

Baku bamna yang ra baha diara tânka yukuwan ra ba param mairikan, baha wal wiras sna yang na upla wala nani wal kau sinskira sna tânka ba mita lika apia, ban sakuna king dîa kaikan tânka ba wimna, bara king ba tânka bribia, witin ai krikrika ra prawi naika dîa takbia ba luki kaiki kan ba.

Daniel 5:12

Daniel ba king mita Beltsasar mâkan ba, witin sika spirit aihka tara kum bri kan, diara tânka kaikaia lâka, sins lâka sin bri kan, yaprisauhkan nani tânka kaikaia, bîla aihka nani tânka bara aihkakira wala nani tânka sakaia sin nu sa. Bamna king, Daniel ba paiws, bara witin bui baha utla tnaya ra ulban ba tânka mai wibia.

Apastil Nani Sturka 5:30

Wan damika nani Gâdka mita Jisas ba pruan wina kli bukan, witinka ra sika man nani dus prihni kum ra pami ikram ba.