Blasi Sturka 4:16 - DAWAN BÎLA AISKA

¹⁶ Bamna baku, Ken Dawan mawan wina taki wan, bara witin Nod tasbaya ra wih iwan, Eden lalmika ra.

Blasi Sturka 4:16 ပူးပေါင်းရင်းမြစ်များ

Blasi Sturka 3:8

Bara witin nani walan, Dawan Gâd giadin ra tutni ra payaska krawi ba tilara tauki kan; bara upla ba ai maya wal, Dawan Gâd mawan wina giadin dusa nani tilara yukuwan.

Blasi Sturka 4:14

Kaiks nâra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai sâkbia ba ai ikbia.

Blasi Sturka 4:17

Bara Ken ai maya ba tânka kaikan, witin kwihra tiwan, bara ai luhpia Henoc baikan. Baku witin tawan kum paskan, bara tawanka nina ba ai luhpia nina wal mâkan, Henoc.

2 King Nani 13:23

Ban sakuna, Dawan ba witin nani dukiara ai kupia swapnikira, yamni pali kaiki kan, Ebraham, Aisak bara Jekob wal lâ aisi daukan kata mita, sauhki tikaia ai brinka apia kan, bara ai mawan wina sin kangbi sakaia lukras kan. Bara naiwa yua kat sin baku daukras sa.

2 King Nani 24:20

Bamna Dawan lawanka ba Jerusalem wihki Juda wal purara balan, ani yua ra ai mawan wina kangbi sakan ba kat.

Job 1:12

Bara Dawan mita dahra kwakwahkra ra win: —Aitani, dîa brin mai dauki ba kat dauks Job dukia nani ba wal, sakuna witin pali wîna ra lika saura munpara. Bara dahra kwakwahkra ba, Dawan mawan wina mahka taki wan.

Job 2:7

Dahra kwakwahkra ba Dawan wina mahka taki wan, bara witin mita Job purara siknis saura blikan, taya ra bara mina wina lal kat yukri takan.

Job 20:17

Diara kukanka ba wal sip ai lilia bribia apia, baha bîp tialka laya bara nasma wal awalka taki plapi ba baku.

Lawana Nani 5:11

Sakuna baha nani sut, witin kat luki ba ai lilia kabia; man nani aiwani banhs lilia sma ba mita; kan man, witin nani tâwan aimakisma bamna. Baha nani latwan mai kaiki ba, yarka man ra lilia kabia,

Lawana Nani 68:2

Kiasma baku pâsa ra pâli lap tiwisa, blas pauta ra slilwi tiwi baku tiwisa. Gâd mawanra watawi dadaukra sut tiwisa.

Impakan Sturka 20:18

Israel luhpia nani ba alwani binka ba wali kan, imyula nani ba kaiki kan, trumpit binka ba sin wali kan, il wina kiasma taki ba sin kaiki kan; bara sibrin dauki ba mita, laihura takaski baha wina bûi kaiki banhwi kan.

Jirimaya 23:39

man nani ba mai bukamna wirhika tara kum baku, man nani, tawankam kan ba, man nani ra maikri ba damika nani ra sin yabri ba, bara mai swirka laihura kauhma.

Jirimaya 52:3

Baha mita Dawan Jerusalem mapara bara Juda mapara ai kupia baikan, bara ai lama wina saki lulkan. Sedequías, Babilon kingka ba mapara buan ba ningkara.

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Matiu 18:20

Kan ani anira upla wâl, apia kaka yumhpa yang nini ra asla prawbia kaka, yang sin bahara witin nani lilapas kat sni.

Luk 13:26

Bara man nani ban aisi, wima: ‘Yang nani sika man wal plun piri bara diara diri, bara man sin wan yabalka nani ra upla smalkram.’

Jan 1:10

Baha Bîla ba naha tasba ra kan; Gâd mita witinka bâk naha tasba na paskan, sakuna naha tasba ra iwi nani ba mita witin ra kaikras kan.

Jan 1:3

Witin bâk Gâd mita diara sut paskan, witin âpu kira diara nani bâra ba, kumi sin paskras kata.

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.