Blasi Sturka 4:14 - DAWAN BÎLA AISKA

¹⁴ Kaiks nâra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai sâkbia ba ai ikbia.

Blasi Sturka 4:14 ပူးပေါင်းရင်းမြစ်များ

Blasi Sturka 3:24

Witin mita upla ba kangbi sakan, bara giadin lalma tani ra kirubin nani tnawa bri ba ra swin. Pauta klauhi isparka kum, tnaya bani ra namhpa namhpa tawi ba sin bâra swin, raya kaia dusa ra waia yabalka ba aihwaki kaiki kaia, upla kli bâra wih dimbia apia dukiara.

Blasi Sturka 4:13

Bara Ken Dawan ra win: —Yang klailka na tara pali sa, yang twilkaia praiski kat apia sa, puri luan sa.

2 Samuil 14:7

Bara nanara taiya nani sut maipara buisa, witin nani brin daukisa ai muihni ikan ba ra, luhpia ba witin nani mihta ra mangkamna wisa, bara witin nani bui sin pana munaia, baku prapatika dawanka takaia kumi ba sin ikaia. Bara baku kau masku kum takaski kan aswi ba baha sin daskbia ba ra, mayi kiamka kumi sin tasba purara swibia apia, witin ba yang nini brih waia dukiara.

Lawana Nani 109:10

¡Âu, ai luhpia nani ba, upla ra diara makabi watauki kabia! ¡Ai watla aisawi luan ba wina sin, kangbi sakan kabia!

Lawana Nani 109:12

Upla kumi sin witin ra umpira kaikras kabia, ai luhpia waitna rau takan nani ba ra sin apia.

Lawana Nani 143:7

Dawan, ¡pat ai aisas, kan yang pat pruisna bamna! Man hilp ai munras kapara, kan upla pruan baku kamna.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Aiseya 8:22

bara witin nani tasba ra kaikbia; bara kaiks pât tara, tihmia tara baman kaikbia, tihmia tara, pât wahwaia baman. Upla sut tihmia ra kabia. Pât wahwi taibi bri nani ba, swak takaia âpu kabia.

Jirimaya 52:3

Baha mita Dawan Jerusalem mapara bara Juda mapara ai kupia baikan, bara ai lama wina saki lulkan. Sedequías, Babilon kingka ba mapara buan ba ningkara.

Oseas 13:3

Baha mita, witin nani titan mukuska baku kabia, lalma kahbi diwaska laya baku sin, titan pali pat lap tiwi ba, rais kapan taya pâsa brih pâli ba baku, kiasma kubus wina taki ba baku sin.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Libait Lâka 26:36

“Man nani an kra waihlam nani tasbaya ra kau raya bâra kama ba, siarangkira mai daukamni bara dus wahia kauhi ba wali plapi kama. Man nani lukma waihlam ninam blikisa, kuna upla ninam blikras kabia;

Kulki Kaikanka 35:19

Baha pruan ba taika kau wal asla ba mita yaka uplika ba ikbia, taika ba pliki sâkbia ba ra.

Kulki Kaikanka 35:21

ai waihla kan ba tâwan ai mihta ni prukbia kaka, bara uplika wala ba prubia kaka, pâtkira ba pruaia pâtka ra lakan kabia, kan witin ba upla âikra bamna, pruan ba taika kau wal asla ba mita, ani anira wal prawbia ba ra bri sal yaka ikbia.

Kulki Kaikanka 35:27

bara pruan ba taika mita witin ra ikbia, bâra lika ai lâka âpu kabia, baha taika nani sin saura daukras kabia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Kli Smalkanka 28:64

Dawan mita nisan bani tilara yakabi mai lakbia, tasba tâ kum wina tâ wala ba kat; bahara upla wala nani gâdka, dus ni bara walpa ni paskan ba ra mayuni kama, man nani sin apia bara damikam nani sin kaikras kan ba gâdka ra.

Kli Smalkanka 28:65

Bara baha nisanka nani tilara man nani iwi kama piua ra, âmyapah ris bri kama apia, kan Dawan mita sirang mai iki kabia ba mita, kupiam wirha sarkam brima bara namkra laya wal kama.

2 Tesalonaika 1:9

Naha nani ba, ban kaia ra sauhki tikan pâtka wal klala yan kabia; bara Dawan mawan wina, ai prana wina bara ai karnika wina sin, laihura saki lulkan kabia,