Blasi Sturka 4:12 - DAWAN BÎLA AISKA

¹² Man tasba ra insla daukma sin, witin ai karnika kli maikbia apia. Man plis kum ra sin iwaikam âpu, ban tringsar baku tasba ra yukuwi plapi baman watauki kama.

Blasi Sturka 4:12 ပူးပေါင်းရင်းမြစ်များ

Blasi Sturka 4:13

Bara Ken Dawan ra win: —Yang klailka na tara pali sa, yang twilkaia praiski kat apia sa, puri luan sa.

Blasi Sturka 4:14

Kaiks nâra man naiwa tasba wina saki ai lulkram sa, bamna man lama wina sin. Yang yukuwamna, bara tasba ra tringsar ban yukuwi laihura baman watauki kamna, bara ya yang ra ai sâkbia ba ai ikbia.

Lawana Nani 107:34

tasba pain kata ba, sâl tasbaya daukisa, bahara iwi ba uplika nani saurka tâwan;

Lawana Nani 109:10

¡Âu, ai luhpia nani ba, upla ra diara makabi watauki kabia! ¡Ai watla aisawi luan ba wina sin, kangbi sakan kabia!

Sins Lâka 28:17

Ya upla kum upla wala iki si plapi ba, plapi takaskbia apia witin sin raiti bilara aimakbia ba kat: ¡upla kumi sin baha takaskbiara!

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Joel 1:10

Insla nani bilara diara âpu dauki swin sa, tasba ba kwala siksa dimi sari sa. Plawar mâ nani ba âpu takan, wain nasla ra, wain kiwka nani ba sut lâwan, oliv dusa nani ba sin sut srawan oliv batana laya sin âpu.

Libait Lâka 26:17

Yang lika man nani mampara takamna, bara waihlam nani ba mita puram lubia, misbara mai kaiki nani ba mita mai taibi kabia, upla ninam blikras man yakan plapi kama.

Libait Lâka 26:20

Karnikam bahki pali tikma, kan tasba ba mâ nani maikras bara dus nani sin mâ alkras kabia bamna.

Libait Lâka 26:36

“Man nani an kra waihlam nani tasbaya ra kau raya bâra kama ba, siarangkira mai daukamni bara dus wahia kauhi ba wali plapi kama. Man nani lukma waihlam ninam blikisa, kuna upla ninam blikras kabia;

Roman 8:20

Kan paskanka aiska ba diara bahki takan sa, bara baha ba witin nani yan baku takras, kuna Gâd mita baku kaia mangkan ba mita. Sakuna ai kainara bîla kaikaia lâka ba lika ban bâra kata,

Kli Smalkanka 28:15

“Sakuna Dawan Gâdkam bîla wali, ai lâka nani yang naiwa man ra maikisna trai kaikras kama kaka, naha klalka nani puramra balbia: