Blasi Sturka 37:9 - DAWAN BÎLA AISKA

⁹ Baha ningkara Josep kli yaprisauhkan wala kum kaikan. Baha sin witin kli ai muihni nani ra bal baha tânka ba win: —¿Man nani nu sma ki, yang kli yaprisauhkan wala kaikri ba? Yang kaikri lapta, kati bara slilma nani 11 yang maiwanra bawi kulkanka aiki kan.

Blasi Sturka 37:9 ပူးပေါင်းရင်းမြစ်များ

Blasi Sturka 20:3

Sakuna baha tihmika ra Abimélec yaprisauhkan ra kaikan witin ra Gâd balan, bara witin ra win: “Man upla maya brisma, bamna man pruaia sma.”

Blasi Sturka 37:10

Josep baha yaprisauhkan tânka ba ai aisika ra bara ai muihni nani ra sin win, bara ai aisika witin ra lawi dauki, pana win: —¿Man baha yaprisauhkanka kaikram ba tânka ba wal praki, yang ra dîa ai wiaia want sma? ¿Dîa man yaptikam, man muihkam nani bara yang nani sut ba man ra bawi kulkanka maiki kamna lukisma?

Blasi Sturka 37:7

Yawan nani sut insla ra kan kaikri, bara yawan plawar mâ dakbi kiaubi wilki kan, bara yang kaiki kapri, yang plawarki mâ kiaubi wilkri ba, ai mina ra tit bûi tatwa ban bâra kan, bara man nani klubankam ba sin tatwa buan, sakuna yang plawarki mâ klubanka ba mawanra bawi kulkanka yabi kan.

Blasi Sturka 37:8

Bara ai muihni nani pana witin ra win: —¿Man baha wal wan wiaia want sma, man ba yang nani kingki aimakaisma, bara man mita yang nani ra lâ aiki kaia lukisma? Bara baha yaprisauhkanka kaikan ba tâwan, bara tânka sin laki win ba sut tâwan, witin nani bui Josep ra kau misbara kaikan.

Blasi Sturka 41:25

Bara Josep pana king fero ra win: —King, man yaprisauhkan wâl kaikram ba, wâlsut diara tânka kumi baman mairikisa. Gâd baha ba mamrikisa witin dîa daukuya ba tânka.

Blasi Sturka 41:32

King, man yaprisauhkan aima wâl kaikram ba baha diara nani aula ba dukiara sa. Gâd ba ai kupia wal pat lâ daukan sa, witin baku daukaia, bara baha win witin pat pali daukbia.

Blasi Sturka 42:6

Josep baha tasbaya wihtka mangkan kan bamna, tasba wala uplika nani sut ba witin ra baman waia kan plun atki briaia. Bara Josep muihnika nani sin witin ai mawanra waia kan. Witin ai mawanra sut tasba kat ai lal makupi ai lakula daukan.

Blasi Sturka 43:26

Josep ai watla ra wih diman ba ra, witin nani ba witin ai mawanra bal ai lula kriki, ai lal tasba kat makupan, bara prisantka bri balan ba witin ra yaban.

Blasi Sturka 43:28

Witin nani kli witin ra ai lal makupi kulkanka yabi bara win: —Yang nani lika man albikam sna na, aisiki witin kau raya sa, ai wîna sin kau yamni sa.

Blasi Sturka 44:14

Juda ai muihni nani aikuki, Josep watla ra kli wan. Witin kau ai watla ra bâra kan. Bara witin nani Josep mawanra tasba kat ai lal makupan,

Blasi Sturka 44:19

Man sika yang nani ra makabi walram yang nani aisiki ba kau raya sa sapa bara muihki wala sin kau brisna sa sapa.

Blasi Sturka 45:9

Bamna man nani nâra kau takaskpara, aihni pali mahka aisiki ra was, bara witin ra wis: ‘Man luhpiam Josep bila naku wisa: Gâd mita Idsip tasbaya aiska pura wihtka ai mangkan. Bamna man takaskpara, mahka pali bal ai kaiks.

Blasi Sturka 46:29

Bara Josep ai albika nani ra win, ai waginka ridi daukbia witin ai aisika aula ba wal prawaia waia ba ra. Witin wih ki ai papika wal prawan ba ra, kiaubi alki brin ai pahpaya ra bara alki aihwa inan.

Blasi Sturka 47:12

Baha purkara Josep ba, witin nani watla bîla kumi bani ra plun yabi kan, witin nani briaia kan ba praiska ba kat.

Daniel 8:10

Tara pali pâwan ba mita, kasbrika purara war aiklaklabra nani ba kat uli wan, slilma nani ba wina tila bataki, ai mina ni taiban,

Kulki Kaikanka 12:6

Bara Dawan bui witin nani ra naku win: “Man nani ra yang aisisna na wals: Man nani tilamra prapit bâra ba piua ra, yang lika witin ra param taki aisisna, diara aihka kaiki bâk.

Pilipai 2:15

bara baku upla kumi sin man nani ra watawanka kum kra, apia kaka swakwanka kum sin sâkbia apia, kuna tâski âpu Gâd luhpia nani kama, upla saura nani bara tâskikira nani ba tilara. Man nani ba witin nani tilara slilma baku ingwaia sma naha tasbaya tilara,