Blasi Sturka 37:4 - DAWAN BÎLA AISKA

⁴ Sakuna ai muihni nani ba ai dara wali kaikan ai aisika ba Josep ra kau latwan kaiki ba, witin nani ra lika baku apia. Bara witin nani Josep ra misbara kaikan, bara lakula sin daukras kan.

Blasi Sturka 37:4 ပူးပေါင်းရင်းမြစ်များ

Blasi Sturka 27:41

Bara Isau baha yua wina Jekob ra misbara kaikata, baha yamnika ba ai aisika witin ra yaban kan bamna. Bara Isau ai kupia ra lukan: “Aisiki pruanka dukiara sari bri inaia yua nani ba aimakaia pat baila sa; bamna baha yua ba lubia ba ningkara, yang muihki Jekob ba ikamna.”

Blasi Sturka 37:11

Bara ai muihni nani lika witin ra tumi kan, sakuna ai aisika lika, baha tânka kaiki aisin ba dukiara uya luki kaiki kan.

Blasi Sturka 37:5

Yu kum Josep yaprisauhkan kum kaikan, bara yaprisauhkan kaikan ba tânka witin ai muihni nani ra win. Sakuna baha win ba tâka wina, ai muihni nani witin ra kau misbara kaikan.

Blasi Sturka 4:5

sakuna Ken prisantka ra witin yamni kaikras kan. Bara Ken kupia baiwan pali takan, bara ai mawan sin sât aihka pali takan.

Blasi Sturka 49:23

Pantamangka lalulkra nani ba witin ra misbara kaikisa, trisbaya nani lulkisa bara piu bani ai kupia turbisa.

Lawana Nani 38:19

Sakuna yang waihli nani kau ailal takisa; ailal ai tânka briras ban misbara ai kaikisa.

Lawana Nani 69:4

Pâtkas kapri misbara ai kaiki nani ba, tâiwa mina ba wal kau ailal sa, waihli nani ba ailal pali takan, dîa tâwan rau ai sauhkaia âpu, sakuna taibi ai munisa, yang implikras katna ba kli yabaia.

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Mark 3:25

Utla uplika kum unsabi dakwi takisa kaka, baha watla ba sip pain kabia apia.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

1 Jan 2:11

Sakuna ya ai muihni ra misbara kaikisa kaka, witin lika tihmia ra iwisa bara sin taukisa; ba mita witin anira auya sapa kaikras sa, tihmia ba mita nakra sut blain dauki bri ba mita.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 3:12

Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.

1 Samuil 17:28

Sakuna Eliab, Debit muihnika almuk ba, walan ai muihni waitna nani wal aisi kan ba, witin ra ai kupia sauhki win: —¿Dîa daukaia man nâra balram? ¿Sîpkam nani twi ra ba ya wal swiram? Man kupiam karna, lukankam saura brisma ba kakaira sna, war aiklabi ba kaikaia dukiara baman man nâra balram.