Blasi Sturka 32:10 - DAWAN BÎLA AISKA

¹⁰ Kupiam yamnika, kupiam pihni lâka nani sut man bui yang ra daukram ba, baha yamnika nani ba yang briaia aitani apia sna. Jordan awala na yang lui wari, bara brih waia dus kumi baman mihti ra bri katna. Bara nanara yang luhpi nani ailal pali, kiamp wâl pitka kat brisna.

Blasi Sturka 32:10 ပူးပေါင်းရင်းမြစ်များ

Blasi Sturka 18:27

Sakuna Ebraham bila kli witin ra aisin: —Pâtki ban swin tiks, yang aisaia apia kapri dukia ba kuna ban aisuna na. Man ba Gâd sma, yang lika upla bahki sna;

Blasi Sturka 24:12

Bara witin mahka ai pura sunan: “Dawan, yang dawanki Ebraham Gâdka, man dauks naiwa diara sut yang wal yamni baman takaia. Dawanki ra man kupiam yamni lâka ba naiwa na mariks.

Blasi Sturka 24:27

Witin aisi, win: “¡Dawan ba yamni pali kabia, dawanki Ebraham Gâdka ba, witin ai kasakka lâka ra umpira kaikan lâka ba kat dawanki wal lâ daukan ba, bara yabalki ra witin tâi bri impakan, yang dawanki muihnika nani watla kat waia!”

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Blasi Sturka 30:43

Bara Jekob baku dauki natka ra yuyakira pali takan. Witin sîp ailal bri kan, alba waitna nani ailal, alba mairin nani sin ailal, kiamil nani bara biriku nani sin ailal bri kan.

Blasi Sturka 31:3

Bara Dawan bui Jekob ra win: “Man aisikam nani tasbaya ra kli tawi was, tamya nani bâra ba tilara, bara yang lika man wal wamna.”

Blasi Sturka 32:5

nanara yang bîp, biriku, albiki waitna, albiki mairin nani sin brisna. Bamna yang naha bîla na dawanki ra blikisna bara brin ai daukisa witin nanara yang ra yamni ai lukbia.’ ”

Blasi Sturka 32:7

Jekob baha bîla walan bara sibrin pali daukan, kasak ai kupia wal aisin. Bara witin ai uplika nani ba daknika wâl daukan, sîp nani, bîp, bara kiamil nani ba sin sut daknika wâl daukan.

2 Samuil 17:24

Debit ba Mahanaim ra wan, Absalón Israel luhpia nani aikuki Jordan awala lui auya kan ba ra.

2 Samuil 7:18

Bara king Debit bal diman tint watla ra Dawan lamara wal aisaia, bara aisin: “Dawan, ¿yang na ya sna ki, bara yang taiya nani ba sin ya, man mita yang nani na naha kat ai bri balaia?

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Job 8:7

Yuyaka man bri katma ba lika baha ba bahki sa, naika ra man dukiam nani briaia sma ba wal praki kaikbia ba ra.

Lawana Nani 16:2

Yang bui man ra mai wîri: “Man ba yang Dawanki sma, yang yamniki; diara kum sin âpu sa man wal prakaia ba.”

Lawana Nani 18:35

Man sika kaini kahbi swaki ai sakisma ba, man mihtam aihkika ni ai alki tâi baikisma, man kupiam yamni lâka ba mita diara yamni manis yang ra takan.

Lawana Nani 61:7

Bara man yamnikam ba wal ban iwi kabia, man lamtwanka lâka bara kasakkam lâka ba ni sin main kaiki bas.

Lawana Nani 8:5

Man bui witin ba gâd lamkika ra paskram sa, witin ra mayunaia, pain kulkaia lâka ni kir kutbram sa,

Lawana Nani 84:7

karnika kau tara daukan kabia, bara Saion ra lika Gâd karnika tara bri ba kaikbia.

Lawana Nani 85:10

Latwan lâka bara kasakka lâka wal prawbia, kupia kumi lâka bara wapni lâka ba wal ai mawan kiawalbia,

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Aiseya 63:7

Yang aisan ai daukisa Dawan latwanka lâka ba, ai mayunra nani ba aiwanaia witin ai yamnika tara nani sut wan hilpka daukan ba, witin ai kupia yamnika tara pali Israel luhpia nani sut ra bri ba, ai kupia yamni luki witin nani ra daukan ba, witin mita latwan kaiki ba lâka kat.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Luk 17:10

Baku sin man nani, Gâd mita dîa daukaia maikan ba sut dauki, naku wima: ‘Yang nani alba bahki sna, kan diara daukaia katna ba baha baman daukisna.’

Luk 5:8

Baku bamna, Pita naha kaikan ba ra, Jisas mawanra ai lula kriki, naku win: —¡Yang wina taks, Dawan, yang na upla kum saura sna bamna!

2 Korint 12:11

Yang lika upla tanis kum baku diara daukri, sakuna man nani mita ai munram baku daukaia. Kan man nani lika yang painki bara yamniki aisaia sip kapram. Kan apastil tara nani man nani mita nina blikisma ba wal, yang kau mâyara apia sna, man nani diara apia ai kulkisma sakuna.

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”