Blasi Sturka 3:15 - DAWAN BÎLA AISKA

¹⁵ Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Blasi Sturka 3:15 ပူးပေါင်းရင်းမြစ်များ

Blasi Sturka 49:17

Dan ba piuta kum baku yabal un kat iwi kabia, aras nani bal lui ba mina plakura ra sami, bara aras âiulra nani ba bataki kabia.

Lawana Nani 132:11

Dawan bui Debit ra swer aisin ba kasak tânka kat sa, naha pramiska aisin na, ai bîla lakbia apia:

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Emus 9:3

Witin nani Carmelo ilka bahna ra uli yukuwi kabia kra sin, yang wih bâra ban pliki saki alkamna; kabu tihuka mununhtara dimi wabia yang kaikamna apia wisi, bara bahara yukuwi kabia sin, bahara kabu daiwra tara blikrika, witin nani ra langki pibia.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 1:25

Sakuna witin nani lika wal ai maya baku briras kan, Meri ai luhpia sakan ba kat. Bara ai nina ba Jisas mâkan.

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 13:38

nasla ba lika naha tasbaya. Saumuk yamni ba king tasbaya uplika nani sa; inma saura ba dibil uplika nani,

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Matiu 3:7

Sakuna Jan kaikan parisi nani, sadiusi nani sin ailal tahbi daukbia wisi balan, bara witin bila: “¡Piuta kiamka nani! ¿Ya mita man nani ra maisam pakan pât tara wan lamara aula ba wina plapi swakwaia?

Mark 16:18

ai mihta ni piuta saura nani alkbia, bara puisin saura dibia kaka, witin nani ra diara munbia apia; baha purkara upla siknis nani purara ai mihta nani kahbia kaka, baha nani sut rawbia.”

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Luk 10:19

Yang bui man nani ra karnika maikri, piuta nani bara misri nani ba minam ni taibaia, bara waihla karnika ba sut sin pura luaia, bara man nani ra lika diara kumi sin watawi mai munan kabia apia.

Luk 22:53

Yang yu bani man nani wal tempel ra katna piua ra, wiria sin ai kangbras kapram; sakuna naha na man nani awarkam sika, tihmia mita pura lui ba.

Luk 24:27

Bamna mahka Ulbanka nani witin ai tânka aisi nani ba saki tânka smalkan, Moses wauhkataya nani wina ban prapit nani ulbanka nani ba kat.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

Roman 3:13

Ai kârma nani ba sin raiti durka kwâkan baku sa; ai twisa ba aisi kunin baman sa; ai un nani ba piuta puisinka nani yukuki brisa.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

Epesus 4:8

Baha mita Ulbanka ba wisa: “Witin diara nani sut wal kau kasbrika pura ba kat ulan ba ra, priskan uplika nani ailal brih uli wan, bara upla nani ra sin prisant nani yan.”

Kolosi 2:15

Kraist dus prihni ra pruan ba mita, tasba wihtka nani spirit lâka mapara karnika bri nani ra pura luan, ban sin baha nani ra swira tara pali daukan, bara witin baha nani ba alki priski baku, ai pura luan daknika tilara dingki brih auya kan.

Hibru Nani 2:18

Bara witin pali pât wahwan bara traika kaikan kan ba baku, nanara witin mita sip sa traika kaikan uplika nani ra ban hilp munaia.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

1 Jan 3:10

Baha mita yawan param kaikisa, Gâd luhpia nani ba ya sa, bara dibil luhpia nani ba sin ya nani sa, kan ani uplika diara yamni daukras bara ai muihni ra sin latwan kaikras ba, witin lika Gâd luhpia apia sa.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

1 Jan 5:5

Ani uplika kasak lukisa kaka Jisas ba kasak Gâd Luhpia sa, witin lika sip sa tasba na pura luaia.

Param Marikanka 12:17

Baku bamna, dragun ba mairka mapara uya ai kupia baikan, bara mairka kiamka nani kau bâra nani kan ba mapara aiklabaia wan, baha nani Gâd lâka bîla nani alki ba, bara Jisas Kraist sturka yamni kat kasak nani ba.

Param Marikanka 13:7

Witin ra sin yan kan, Gâd uplika nani mapara war daukaia, sut pura lubia ba kat; bara karnika yan taika bani purara, upla nani ba purara, bîla sât sât aisi ba purara, bara nisan sât bani purara sin.

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 20:10

Bara dibil ba, witin nani ra kunin munan kan ba, pauta klauhan sulpa wal klauhi kan lakunka ba ra lulkan kata; bahara sika daiwan saura ba prapit kuninkira ba wal lulkan kan ba. Bahara witin nani rausauhkan kabia kakna bara tihmia, ban kaia ra ban.