Blasi Sturka 26:25 - DAWAN BÎLA AISKA

²⁵ Bahara Aisak altar kum paski, Dawan nina bahara mayunan. Bahara ai tintka watla bapan, bara Aisak albika nani bahara liwanhta kum salhkan.

Blasi Sturka 26:25 ပူးပေါင်းရင်းမြစ်များ

Blasi Sturka 13:18

Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.

Blasi Sturka 13:4

Baha tasbaya ra witin altar kum paskan kan ya ba ra, bahara Ebram Dawan ra ai pura suni mayunan.

Blasi Sturka 22:9

Bara Gâd mita marikaia win yaba tasbaya kat wan ba ra, Ebraham altar kum paskan bara pauta nani ba baha purara kahban. Baha ningkara ai luhpia Aisak ba priskan, bara altar ra pauta ba purara sunan.

Blasi Sturka 26:32

Baha piua pali ba Aisak albika nani balan bara liwanhta salhkan ba sturka witin nani ra win, witin nani lî sakan ba.

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

Blasi Sturka 35:1

Gâd bila Jekob ra win: “Bus bara naha wina mahka was, Betel ra wih bahara iws. Man muihkam Isau wina sîa plapi kapram, Gâd bui man ra param takan ba tasbaya ra. Bahara man puram sunaia altar kum paskma.”

Blasi Sturka 4:26

Bara Set luhpa kum baikan, ai nina ba Enós mâkan. Bara upla nani ba mahka Dawan ra ai pura sunaia lâka ba tâ krikan.

Blasi Sturka 8:20

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

Lawana Nani 116:17

Man ra tingki mai wiaia sakripaiska dauki maikamni, bara Dawan ninam mâki winamni.

Impakan Sturka 17:15

Bara Moses altar kum paskan bara nina ba mâkan “Dawan ba yang plakinki”,