Blasi Sturka 26:12 - DAWAN BÎLA AISKA

¹² Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Blasi Sturka 26:12 ပူးပေါင်းရင်းမြစ်များ

Blasi Sturka 24:1

Naha piua kat Ebraham pat almuk pali takan kan, diara sut witin daukan ba Dawan mita sin ai yamnika yaban kan.

Blasi Sturka 24:35

Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban.

Blasi Sturka 25:11

Ebraham pruan ba ningkara, baha liwanhta nina “Witin raya bara ai kaiki ba” baha lama kat Aisak iwan, bara Dawan bui witin ra ai yamnika yan.

Blasi Sturka 26:29

man bui yang nani ra diara saura wan munpara. Yang nani sin man nani wînam ra pana mai kangbras kapri, diara yamni baman man ra daukri bara kupia kumi lâka ra sin mai blikri, bamna nanara Dawan yamni mai munan sa ba mita.

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 30:30

Yang kau balras kapri ba ra man daiwram nani ba maura lupia baman bri kapram, sakuna nanara yang balri ba wina daiwan ailal sauhram sa. Bamna yang balri ba piua wina, Dawan bui man ra yamni mai munan; sakuna, ¿nanara yang ahkia mayi bara luhpi nani dukiara sin baku wark takamna?

Job 42:12

Gâd bui Job ra ai yamnika ailal yaban kan kau siknis takras kan ba kainara, sakuna nanara kau ai yamnika tara yan: Sîp nani 14,000 brin, kiamil 6,000, tasba baikaia bîp ba 1,000 bara biriku mairin 1,000.

Lawana Nani 67:6

Tasba ba ai mâ sakisa; ¡wan Gâdka yamni wan munan sa!

Lawana Nani 72:16

Naha kuntrika ra plawar mâ ailal bâra kabia, ¡il bahna nani ba sut plun pali man kabia! Pata mâ nani ba, Líbano ra dus nani pâwi baku kabia; plawar kura ailal inma nani tasba ra pâwi ba baku kabia.

Sins Lâka 10:22

Dawan yamni wan muni ba yuyakira wan sakisa; witin wal aikuki, sari lâka prakras sa.

Smasmalkra 11:6

Saumukkam mâ ba titan ra mangks, bara tutni ra sin mangks, kan man kaikras ani ba yamni takaia ba, tâura, apia ningkara mangkram ba wal, apia kaka wâlsut pâwan kabia.

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Matiu 13:23

Sakuna saumuk nani tasba yamni ra mangkan ba lika, sturi yamni walan bara tânka ba brisa, ba mita mâ sin pain sakisa, kum kum ba mâ kumi wina 100 sakan ba baku, wala nani 60 sakan ba baku, apia kaka 30 sakan ba baku.”

Matiu 13:8

Sakuna wala nani lika tasba yamni ra kauhan, mâ sin pain sakan; kum kum mâ kum wina 100 mâ sakan, wala nani 60, bara wala nani 30.

Mark 4:8

Sakuna tila tasba yamni ra kauhan, bara mâ nani ba baiwi pâwan, mâ ailal sin sakan; mâ kum wina 30 sakan, wala 60 bara yumhpika 100 sakan.”

1 Korint 3:6

saumuk ba yang mangkri, Apolos lî laikan, sakuna Gâd sika yan pâwan ba.