Blasi Sturka 21:1 - DAWAN BÎLA AISKA

¹ Dawan ai bîla win ba baku, witin Sara ra bal kaikan, bara witin ai bîla aisin ba kat sin Sara ra daukan.

Blasi Sturka 21:1 ပူးပေါင်းရင်းမြစ်များ

Blasi Sturka 17:16

Witin ra sin yamni munamna, bara witin wina luhpiam waitna kum maikamna, âu, yang bui witin ra yamni munamna, bara witin ba nisan nani ailal yaptika takbia. Ai kiamka nani tila wina king nani sin bal takbia.

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Blasi Sturka 17:21

Ban sakuna yang lâika ba Aisak wal daukamni, luhpiam waitna Sara baiki maikbia ba mani kum alkbia ba ra, mani wala naha piua praiska ra.

Blasi Sturka 18:10

Bara witin nani wina kumika ba bila win: —Mani aula ba yang kli bal mai kaikamna, bara mayam Sara ba luhpa waitna kum bribia. Baha aisi kan ba ra Sara dur ninara yukuwi Ebraham witin nani wal aisi kan ba sut wali kan.

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Blasi Sturka 24:36

Baha purkara ai maya Sara ba dawanki pat almuk pali takan bara luhpia waitna kum baikan, bara dawanki ai dukia nani sut pali ba ai luhpia waitna ra yaban.

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

2 King Nani 4:17

Sakuna Ilaidsa dîa win ba kat takan, mairin ba baha manka kwihra takan, bara ai luhpia waitna kum baikan.

Lawana Nani 106:4

Dawan, yang ra kau ban luki bas, man uplikam nani ra yamni munisma bara; yamni ai muns swaki sakaia balma ba ra.

Lawana Nani 12:6

Dawan pramis aisin bîla nani ba sunu sa; ¡silbar tâski âpu pali ba purkara, silbar 7 taim kiskan ba baku!

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 3:16

Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Matiu 24:35

Kasbrika tasba wal lui wabia, sakuna bîli nani lika aimakan kabia.

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Luk 19:44

bara ban tasba ra sin mai batakbia. Upla nani man ra iwi banhwi ba sut sin ikan kabia, bara man ra walpa kumi walpa wala purara ban swin kabia apia, Gâd mai swaki mai sakaia balan piua ra man mita tawi kaikras kapram ba mita.”

Galesha 4:23

Alba mairin wina ba lika wan wîna lâka kat tuktan wala nani baiki ba tânka kat aisubi takan; sakuna mairin pri wina baikan ba lika, Gâd bui Ebraham ra pramis munan ba aimakan.

Galesha 4:28

Muihki nani, man nani lika Aisak wal baku sma: Gâd pramis daukan ba luhpia nani.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Rut 1:6

Bamna yu kumi Noemí ai piarkika nani aikuki mahka Moab tasbaya wina taki waia buan, kan sturi walan Dawan bui ai uplika nani ra kli yamni kaikan, bara nanara baha tasbaya ra yan plun takisa.

1 Samuil 1:19

Yapi lalawan titan ra, witin nani kli Dawan ra mayunan, baha ningkara ai watla Ramá ra kli tawi wan. Bara Elcaná ai maya Ana wal prawan, bara Dawan sin Ana makabanka ba kat wali daukan.

1 Samuil 2:21

bara Dawan bui Ana ra yamni munan, witin kwihra tiwan, ai luhpia waitna yumhpa bara ai luhpia mairin wâl brin, bara Samuil lika ban Dawan lâka ra pâwi kan.