Blasi Sturka 20:6 - DAWAN BÎLA AISKA

⁶ Bara yaprisauhkan ra Gâd pana witin ra win: “Âu, yang baha kaikisna man kasak luki, lukankam tâski âpu lâka ra baha ba daukram. Baha mita yang sin mai swiri witin ra kangbras kapram, man bui yang maipara saura daukma apia mata.

Blasi Sturka 20:6 ပူးပေါင်းရင်းမြစ်များ

Blasi Sturka 20:18

kan Sara, Ebraham maya tâwan Dawan mita Abimélec watla uplika sut ba biara prakan kan bamna.

Blasi Sturka 26:11

Ningkara Abimélec upla sut ra maisa pakan: —Ya naha waitnika bara maya ra sin kangbia kaka, uplika ba pruaia pâtka ra lakan kabia.

Blasi Sturka 3:3

sakuna giadin lilara dusa mâ ba dukiara, Gâd ai win yang nani baha wina pimna apia, bara sin kangbamna apia win, kan baha daukamna kaka, pruamna ai win.

Blasi Sturka 31:24

Sakuna baha tihmia, Labán Aram wina ba yapan ba ra, Gâd bui witin ra yaprisauhkan ra param takan bara witin ra naku win: “Wals, man Jekob ra diara watawi aisapara.”

Blasi Sturka 31:7

Bara nanara man nani aisikam kunin ai munan, bara nanara kat sin kau ban kunin ai munisa maina aikaia apia dukiara. Sakuna Gâd bui witin ra karnika yabras yang ra saura ai munaia;

Blasi Sturka 35:5

Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.

Blasi Sturka 39:9

Naha watla bilara upla wala yang wal kau tara wala âpu sa, man baman lika yang mihti ra mai mangkras kan, man sika witin ai maya mairin sma bamna. ¿Yang nahki baha saurka tara ba daukamna bara Gâdki mapara saura daukaia?

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Lawana Nani 81:12

Ai kupia karnika ba mita ban swiri nina blikaia, bara dîa want ba yâri daukan.

Lawana Nani 84:11

Kan Gâd sika Dawan, witin ingni wankisa bara aihwaki wan kaikisa; Dawan latwan wan kaikisa bara wan kulkisa baha nani ai raya klin brih iwi ba, bara yamni ba bahki kulkras.

Impakan Sturka 34:24

Nisan wala nani ba, man nani mamwan wina kangbi sakamna. Bara man nani tasbayam lainka ba kau kitbamna, baku mika upla kumi sin tasbayam ba ai dukia wisi bribia apia. Man nani mani bani aima yumhpa, Dawan Gâdkam mawanra wih buaia sma bamna.

Sins Lâka 21:1

King lukanka ba Dawan mihta ra sa; tingni nani lî plapi ba baku nina blikisa Dawan yabalka ra brin dauki ba kat.

Sins Lâka 6:29

Ya upla maya wal aiblakwi ba, klala luha kabia apia.

Libait Lâka 6:2

“Upla kum naha saurka nani dauki ba ai tahkia mapara, Dawan kaikisa ai uplika ra kunin muni aisi ba. Ai uplika witin ra diara kum yaban kan, sakuna pana mana, apia kra diara kum lin munan kan, apia kaka ai uplika dukia implikan, apia kra ai uplika dukia lâ tânka kat wina apia dakbi brin ba ra, baha dukiara kunin aisin kaka,

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

1 Korint 7:1

Bara nanara, man nani ai makabi walram tânka nani ba mai wisna. Waitna kum marit takras kaka, baha ba pain sa;

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

2 Tesalonaika 2:11

Baha mita, Gâd bui swisa mistikka nani ba mita kunin munbia, bara kunin lâka ra kasak kulkbia.

2 Tesalonaika 2:7

Baku bamna, saurka dahra yukukan ra ba, pat yabal ra sa; sakuna bîla kaikisa baha alki takaski bri ba tila wina sâkbia ba.

1 Samuil 25:26

Ban sakuna, kasak tânka ba kat man bui bal tala kaiki, mihtam ni kasakka lâka ba daukaia Dawan wina man ra maikras kan. ¡Dawan baku brin daukbia, man waihlam nani sut, wala nani sut sin saura mai munaia pliki nani ba, witin nani sut Nabal klala brin ba bribia!

1 Samuil 25:34

Sakuna yang bui man ra swer takisna Israel Gâdka ba nina ra, witin bui naiwa ai takaskan yang bui man ra saura mai munaia ba wina, pat pali munras kapram kata yawan wal prawaia ba, yauhka titan kat, Nabal uplika nani kumi sin raya kaia apia kan.